Foz, 14 de marzo de 2016.- Este pasado fin de semana celebrouse en augas do Guadalquivir ao seu paso por Sevilla, o XLVII Campionato de España de Inverno de piragüismo. unha competición multitudinaria, superando os 1300 piragüistas e máis dun centenar de clubs de toda España que se deron cita nesta importante proba do piragüismo nacional e que marca o inicio das ligas Nacionais.
Tal e como estaba previsto, a expedición do Kaiak chegou a Sevilla o venres ao mediodía e, tras un pequeno descanso, pola tarde os padeeiros e o seu adestrador desprazáronse ata o C.E.A.R. da Cartuxa para familiarizarse co campo de regatas, dureza da auga, pantaláns de embarque e desembarque, zona de control de pesada, árbitros, etc. Todo o que se faga e estúdese é pouco… isto é un Campionato de España, están presentes os mellores padeeiros e un mínimo descoido nunha ciaboga, unha mala saída ou perder unha onda faiche perder moitos postos que logo son imposibles de recuperar.
O sábado pola mañá comezaron as regatas clasificatorias para elixir os padeeiros que pasarían ás distintas finais. O primeiro en saír á auga, ás 09:30 horas, foi Noel García Edrosa na regata Cadete A K1 sobre a distancia de 2000 metros e na que se clasificaban os 40 mellores tempos. Noel, cun crono de 09:36.100 quedou no posto 57, fóra da final por 16 segundos. Un gran esforzo de Noel pelexando cos mellores e, aínda sabendo que tiña moi complicado pasar o corte, non deixou de tentalo en ningún momento.
Ás 09:50 horas era a quenda dos Cadetes B. Era a quenda de Xoel García Neira. Aquí só se clasificarían os 30 mellores tempos. Tras unha curta espera, o padeeiro do Kaiak cruzaba a meta en primeiro lugar marcando un crono de 08:51.120. O primeiro traballo estaba feito e cun dobre obxectivo conseguido: Por unha banda meterse na final de 5000 e con posibilidades de estar no “top five” do Campionato de España; e por outro, e non menos importante, este primeiro posto no 2000 sitúa a Xoel como primeiro no ránking nacional de pista, converténdose así na primeiro cabeza de serie na Copa de España “JJ.PP.” Cadete 1000 metros que se vai a disputar tamén en Sevilla o próximo sete de maio.
O seguinte padeeiro do Kaiak de Foz en saír, ás 10:10 horas, foi o Junior Andrés de Oliveira. Sen opción algunha para ser un dos 70 padeeiros da final, limitouse a facer a mellor regata que puido acabando fóra de control cun crono de 11:21.190.
Aproximábase a quenda de Ramón Lanzós. A saída deuse puntualmente ás 12:30 horas e tras 21 intensos minutos, un apertado sprint definiu os tres postos de podio da categoría Home Veterano 35-39 anos K1. O primeiro en cruzar a liña de meta foi Albert Corominas do Náutico Banyoles parando o crono en 21:09.980, seguido a tan só 3 décimas de Jesús Rodriguez León do Fluvial O Barco. Terceiro foi o padeeiro do CP Vilaboa, Javier Conde, a 4.630 segundos do vencedor. Ramón Lanzós, o representante do Kaiak cruzou a liña de meta nunha honrosa 32ª praza parando o crono en 23:58.260, a 2:48.280 do vencedor.
Coa regata de Ramón Lanzós, finalizaba a xornada matinal para o Club Kaiak de Foz. As previsións estaban a cumprirse coa praza na final conseguida por Xoel García Neira.
As finais de 5.000 metros non defraudaron e brindaron un bonito espectáculo. Tras un breve descanso, a seguinte cita era ás 17:50 horas co Final Home Cadete B K1. Na liña de saída nomes coñecidos acompañaban a Xoel García: Gabriel Pachón e Ángel González do Ribeiras do Tambre-Ternera Gallega, Joaquín Iglesias do CP Verducico-Pontillón ou Diego Rey de As Torres Romería Vikinga, entre outros…
Tras unha saída espectacular, aos 500 metros de regata sobreveu o desastre. O mecanismo do temón do barco de Xoel rompeu obrigándoo a abandonar. Todas as posibilidades de Xoel García neste Campionato de España fóronse ao garete debido a unha rotura que, en condicións normais, non adoita suceder. Toda a expedición do Kaiak quedou moi tocada; non foi un fallo humano o que apartou a Xoel do podio -algo que sucede en máis do 70% dos fracasos-, foi un fallo do material, unha rotura que nin o propio fabricante -presente no campionato- se podía explicar.
A regata seguiu o seu curso e o título de Campión de España de Inverno na categoría Cadete B K1 foi para Nel Sánchez do Real Grupo Cultural Covadonga cun crono de 21:39.980; segundo foi o padeeiro do RCN Palma Joan Gual a 32 segundos e o terceiro posto foi para Gabriel Pachón de Club Ribeiras do Tambre-Ternera Gallega a 37 segundos do gañador.
Do mesmo xeito que a auga dos ríos segue o seu curso, as regatas seguen o seu devir. Nesta ocasión non puido ser, pero de certo que isto non quedará así; por diante esperan moitas competicións, desde as provinciais pasando polas autonómicas ata as nacionais como a Copa de España 1000 metros, o Campionato de España de Pista, o Campionato Galego de pista, etc…, regatas onde o Club Kaiak poderá demostrar todo o seu potencial reflectido na figura da súa nova promesa cadete Xoel García Neira.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
