Burela, 15 de marzo de 2016. O Concello celebra o día da árbore cun xogo de pistas e con plantacións nos centros de ensino e asociacións participantes.
As monitoras do Centro Gaia organizan o xogo denominado ¿Que árbore é?, “trátase dun xogo de pistas relacionadas cunha árbore que os participantes terán que adiviñar. Son 4 pistas (unha cada día), as monitoras colocaron este luns a primeira e en días sucesivos as seguintes nuns paneis colocados á entrada de cada centro participante Ceip Vista Alegre, Ceip Virxe do Carme, Asociación A Mariña e Fundación Eu Son. Xunto co panel está colocada unha urna onde terán que introducir o seu voto coa resposta que crean acertada. Cada clase só pode emitir 1 voto, dado que estamos a falar dun xogo de equipo”.
Desde Gaia explican que “unha vez que rematen as pistas, as monitoras serán as encargadas de desvelar cales son a clase/s gañadora/s nos centros de ensino e o gañador/a no caso das asociacións”. E engaden que “a través desta actividade preténdese sensibilizar aos alumnos da importancia de respectar a natureza que nos rodea. Os bosques cobren un terzo da superficie terrestre do planeta e xogan un papel fundamental na vida de moitos dos seus habitantes. Dende un punto de vista biolóxico os bosques son os ecosistemas terrestres máis diversos, onde se albergan máis do 80% das especies animais e vexetais”.
Xa o vindeiro venres, 18 de marzo, terá lugar a plantación dunha especie arbórea nos centros participantes no xogo de pistas. As árbores son cedidas pola Concellería de Medio Ambiente. E será a edil Noelia Mª Ben, a encargada de entregar os diplomas aos participantes nesta actividade.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
