O grupo municipal socialista ven de presentar unha moción, para debater no pleno da semana que ven, relativa ó respecto á diversidade, coa que pretendemos que o Concello de Ribadeo poña en marcha unha serie de medidas para a normalización, visibilización e integración plena das persoas LGTBI no municipio. Para a elaboración desta moción, como non podía ser doutro xeito, contaron ca colaboración de dúas agrupacións representativas deste colectivo: a Asociación 7 Cores, de Santiago de Compostela, e a Federación LGTBI Arco Iris, de Andalucía.
O PSOE caracterízase moi especialmente pola súa defensa da liberdade e dos dereitos de todas as persoas. É por iso que non queremos deixar pasar mais tempo sen reclamar o respecto a todas as persoas con independencia da súa identidade de xénero e/ou orientación sexual. Por desgraza, os
datos amosan que queda moito camiño que recorrer nun ámbito de tanta importancia como é a igualdade e por iso é necesario que todos e todas demostremos o noso respecto ós demais non só no noso trato persoal senón poñéndoo de manifesto publicamente, mais aínda desde as institucións,
porque non fai falla ser a causa para apoiar a causa; porque aspiramos a unha sociedade libre e respectuosa, sen violencia de ningún tipo contra ninguén; porque para construír un concello mellor para todos e todas temos que empezar por respectarnos, por vivir en igualdade; porque queremos facer de Ribadeo un referente no respecto á diversidade para residentes e para visitantes.
O vindeiro día 17 de maio, coincidindo cunha data ben sinalada para os galegos e as galegas, celébrase o día internacional contra á homofobia, transfobia e bifobia. Para ese día, o Concello de Ribadeo debería ter aprobada a moción que presentamos e ter empezado a poñer en marcha as medidas que suxerimos. Nós, pola nosa parte, celebraremos o dezasete de maio non só orgullosos e orgullosas dos e das escritoras galegas, senón tamén cunha xornada de reflexión e debate para romper ca discriminación na que contaremos con dous activistas do colectivo LGTBI que nos falarán do activismo como cambio do motor social e sobre o qué son e cómo combater os prexuízos e estereotipos. Esta xornada correrá a cargo de Gonzálo Diz, coordinador da Asociación 7 Cores, e Mariano Beltrán, psicólogo.
A mestura de pancarta e cadro, expúxose ao aire libre na baranda do Hospital da Mariña por profesionais e doentes como metáfora da vulnerabilidade dxs doentes ante as demoras e a falta de coidados. A pancarta foi retirada por orde da Dirección do Hospital da Mariña
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
A cita, que conta coa colaboración do Concello, será na Biblioteca Municipal El Viejo Pancho, este xoves 22 de maio ás 20,30h. Falarán: Dores Fernández Abel e Carlos Callón.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
