Barreiros, 6 de abril de 2016.- O artista barreirense Celso Dourado participará na Semana das Artes Plásticas na Mariña. A exposición será inaugurada no Cenima de Foz este venres, día 8, xunto a outros seis creadores mariñáns. Esta mostra colectiva poderase visitar ata o 29 deste mes.
Celso Dourado explicou que “a exposición denominada Seis diálogos para educar reflexa un pouquiño o traballo de seis artistas entre os cales estou. Podo citar que forman parte do elenco tamén David Catá, Héctor Manasé, Alberto Pena, Mauro Leivas e Raimundo Rubal”.
Dourado contou que “eu presento catro series da miña obra. Son botánica, relacionada cun tratamento subreal do que é a botánica en si; retratos, unha interpretación persoal do que é o tema do retrato; mímica, é un xogo coas mans que é un motivo moi referencial da miña obra; e Anatomías que reflexan distintas partes do corpo cun tratamento moi persoal. Isto forma parte dun proxecto que é a miña utilización da cor sobre a obra que estou a facer”.
O artista barreirense dixo que “botaron man de min como parte representativa da Mariña e para min é importante porque me permite nunha sala tremendamente ampla, moi diáfana, expoñer unha obra que hai que vela no seu conxunto. Foi unha experimentación ao longo de varios anos, practicamente desde o 2010, o que é o tratamento da cor, lograr a transparencia na cor. Vaise ver unha mostra onde esa aplicación da cor é un fito para min, na miña obra, verdadeiramente orixinal. É unha labor de traballo persoal que se vai reflectir nesta obra que se vai poder ver no Cenima nesta tempada”.
Celso Dourado convida a visitar esta mostra que “é unha maneira de meterse na obra dos creadores que temos moi preto de nós. Vai ser moi participada sobre todos polos colexios e vai haber actividades paralelas no entorno de Cenima e en Foz”.
O artista sinalou que “no fondo se está a traballar dalgunha maneira en converter o Cenima nunha especie de centro de arte na Mariña, por iso e bo non perder de ollo estes proxectos porque eu penso que tarde ou cedo frutificarán na creación dun gran centro vinculado á arte na nosa Mariña”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
