Dende o goberno municipal do Partido Popular quedamos verdadeiramente estupefactos co que estamos escoitando sobre o asunto de Gestagua por parte do Partido Socialista. Agora véndennos a moto de que a solución é a rescisión do contrato de mutuo acordo con Gestagua, algo que nosoutros propuxemos hai 15 días e ao que se opuxeron.
Recoñecen que a empresa se veu beneficiada nos últimos 20 anos porque o Partido Socialista prorrogoulle o contrato tanto da auga como da depuración sen sacar un concurso público. Agora recoñecen que iso estaba mal feito, cando o Partido Popular e o BNG xa lles advertiran naquel momento que iso sería moi negativo para os veciños usuarios da auga do noso concello. ¿Que é o que leva agora ao Partido Socialista a dubidar e a zozobrar? ¿É que os lodos non depurados e a auga están afogando dalgunha forma as decisións que o Partido Socialista leva tomado respecto a este servizo durante os últimos 20 anos? ¿É que agora ese millón de euros que se lle causou de grave prexuízo ao Concello, que vai ter que pagar á empresa polas xestións do Partido Socialista, está facendo que tomen decisións contrarias ás que son razoables? ¿O Partido Socialista estase dando conta de que coas súas decisións está prexudicando gravemente a economía municipal?
A única decisión que nos deixaron, despois de que hai 15 días votaran o contrario do que din agora, lévanos á suba do recibo da auga nun 10 por cento, algo que se se tivera feito o que propoñía o Partido Popular sería progresivo e de acordo ao custe da vida e a suba do IPC, como se fai no resto dos servizos.
O Partido Socialista vese afogado entre as augas de Gestagua, por ter prorrogado 20 anos ese servizo e por non actualizar os prezos, o que segue causando eses danos aos que me refería anteriormente. Agora a débeda que temos con Gestagua é dun millón de euros, polas decisións do PSOE.
Estamos tremendamente abraiados e sinceramente o único que lle pedimos ao PSOE é que enderece o rumbo, que se tranquilice, porque as augas ao final acaban volvendo á súa canle. E polo tanto que non zarandee, porque se lle ve demasiado nervioso cando se fala do asunto da auga e da depuración do noso concello.
En definitiva cremos que o quere o PSOE é crear unha cortina de fume para xustificar novamente no pleno que non se actualicen as taxas, que eles mesmo deron por boas na prórroga que fixeron no ano 2007, ao que se ve obrigado o goberno municipal por non aprobar hai 15 días a resolución amigable do contrato con Gestagua.
Señores socialistas de Foz, miúda faena montaron estes anos por non escoitar ao Partido Popular e buscar rendementos partidistas por diante dos do Concello.
Javier Castiñeira
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
