BURELA (FNC) .- A comisión paritaria do Concello decidiu por unanimidade eliminar o complemento de produtividade deste 2009 e destinar eses fondos a realizar contratacións de persoal durante o vindeiro ano. Así o anunciou hoxe o alcalde de Burela.
Alfredo Llano contou que “onte reuninme na comisión paritaria cos representantes dos traballadores, foi unha convocatoria extraordinaria para falar de varios asuntos entre os que destacan o pago da produtividade e a elaboración da RPT. Con respecto á produtividade de 2008 que se abonou o pasado mes de setembro, explicáronse os criterios nos que se baseou esta alcaldía para distribuír ese complemento. Non houbo inconvenientes e entenderon as nosas razóns para efectualo dese xeito, os criterios xa foran aprobados en pleno e se distribuíron xunto coa nómina para que fosen coñecidos por todos os traballadores e o único que se fixo foi aplicar eses criterios, e creo que saiu da maneira máis honrada posible”.
O rexedor explicou que “por acordo unánime dos representantes dos traballadores e dos do equipo de goberno decidimos retirar o complemento de produtividade deste 2009 e os fondos que puideran existir destinaranse a realizar contratacións de persoal durante un tempo. Eso sería moito máis positivo que facer un reparto da produtividade que ó mellor non é suficiente para os traballadores. Esto sería unha medida máis solidaria e máis importante e crearía emprego no Concello de Burela, por tanto houbo unanimidade para facelo así”. Alfredo Llano engadiu que “tamén nesta reunión e falando de produtividade despois de facer o reparto correspondente tivemos un remanente duns 8.000 euros, e acordamos que unha parte desa partida se destine a empregar a tres ou catro persoas o vindeiro mes de decembro. Queda así clara a solidariedade que existe cara a creación do emprego en Burela. Paréceme moi ben que os representantes dos traballadores de Burela decidisen por unanimidade esta cuestión”.
O alcalde manifestou que “outra cousa da que se falou foi a RPT que se está a elaborar e na que traballan técnicos da Deputación e tamén do Concello e chegamos á conclusión de que íamos incorporar a unha comisión de seguimento desta nova RPT a representantes dos traballadores. Eles proporán algunha persoa nós aceptarémolo e formarán parte de dita comisión. Quero destacar que existe entendemento entre a alcaldía e os representantes dos traballadores porque o único que pretendemos uns e outros é que o Concello de Burela funcione da mellor forma posible e ofreza un bo servizos ós cidadáns”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
