Cervo, 15 de xuño de 2016.- A Federación Galega de Municipios e Provincias (FEGAMP) propón que as empresas madeireiras se encarguen de manter en bo estado os camiños públicos polos que fagan o transporte. Así se acordou este mércores nunha reunión mantida en Santiago pola comisión executiva da FEGAMP, da que é vicepresidente primeiro o alcalde de Cervo, Alfonso Villares.
Villares salienta que foi “unha reunión na que, como en todas elas, sempre se propoñen asuntos que son de importancia para o municipalismo galego. En concreto hoxe algúns dos temas tamén son de interese para A Mariña de Lugo, como por exemplo a problemática que ven da corta e saca da madeira. É unha problemática que non se circunscribe unicamente ao noso territorio da Mariña senón que afecta a máis zonas da comunidade autónoma galega”.
Alfonso Villares engadiu que “hoxe falamos, como estas semanas pasadas, deste asunto para anunciar próximas reunións que imos ter co cluster da madeira para intentar ter desde todo o municipalismo unha proposta común á hora de abordar este asunto”.
O rexedor de Cervo manifestou tamén que “de entrada unha das propostas que se puxo enriba da mesa foi que as empresas madeireiras teñan que pagar unha taxa previa á extracción da madeira, e despois unha ordenanza que vele para que os madeiristas despois da corta deixen eses camiños e lugares públicos por onde circulan e extraen a madeira en perfecto estado”.
Alfonso Villares salienta que “foi unha das cuestións que se abordaron e durante estas próximas semanas intentaremos traballar e ver cal é a proposta definitiva”.
O alcalde cervense engade que tamén acordaron “intentar facer un protocolo de actuación para cando haxa calquera problema ou catástrofe, tipo temporais ou incendios, no que esteamos involucradas todas as administracións: a local, a autonómica e a estatal”.
Finalmente Alfonso Villares manifestou que acordaron ademais que “os centros de saúde nos que corre a cargo o mantemento dos distintos Concellos que os asuma a Consellería. É unha negociación na que levamos un tempo traballando e que queremos que nestas próximas semanas chegar a un acordo para que a Xunta asuma algún centro de saúde máis para ocuparse do seu mantemento”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
