LUGO .- A Ribeira Sacra e A Mariña continúan sendo as zonas máis visitadas polos participantes de Km0, iniciativa de Deputación da que desfrutarán, 295 veciños de Vilalba, Cervo e Meira, e escolares de Rábade e de Barreiros, durante esta semana nas 6 rutas programadas.
Nota de Prensa
A Ribeira Sacra e A Mariña continúan sendo as zonas máis visitadas polos participantes de Km0
Veciños de Vilalba, Cervo e Meira, e escolares de Rábade e de Barreiros participan esta semana no programa medioambiental
O Presidente da Deputación, José Ramón Gómez Besteiro, e a Deputada de Economía, Regina Polín, recibiron este martes no Pazo de San Marcos, a un grupo de veciños de Abeledo (Vilalba) e a outro do CEIP Otero Pedrayo de Rábade, dentro do programa de visitas institucionais Km0 que promove o organismo provincial. En total, 295 persoas participarán esta semana nas 6 rutas programadas pola iniciativa da Deputación.
O primeiro grupo, formado por 48 persoas, elexiu a ruta das “Androllas”, que inclúe unha visita á Torre e Fortaleza de Altamira e á ponte oxival sobre o río Navia, dende onde fixeron un percorrido a pé ata o clube fluvial. O itinerario tamén contou cunha visita á fábrica de embutidos. Dentro dos centros dependentes da Deputación, escolleron a Produtora audiovisual da Fundación TIC.
Os estudantes de Rábade optaron polo Centro de Interpretación Terras do Miño e polas pallozas do Cebreiro. Os 48 escolares tamén visitaron a igrexa de Santa María A Real e o albergue dos peregrinos, ademais de facer a ruta de sendeirismo que vai ata o primeiro hito francés.
O mércores, 48 integrantes da Comisión de Festas do Castelo (Cervo) e outros tantos alumnos do CEIP de San Cosme de Barreiros, redecubrirán a Ribeira Sacra. No primeiro caso, embarcarán en Chancís para percorrer en catamarán os canóns do Sil. A viaxe completarana cunha ruta de sendeirismo polos muíños de Xábrega e unha degustación na adega Noguedo. Antes de desprazarse ata o sur da provincia, visitarán o Centro de Artesanía e Deseño da Deputación.
O itinerario elexido polos estudantes da Mariña para ese mesmo día inclúe unha visita á oleiría de Bonxe, unha ruta de sendeirismo por Pena do Castelo e unha viaxe en catamarán por Amandi.
O xoves, as rutas escollidas polos participantes de Km0 son “catamarán por Amandi” e “Illa Coelleira”. Escolares do CEIP Covas de Viveiro, ademais da travesía fluvial, farán a ruta de sendeirismo por Pena do Castelo e percorrerán as instalacións do CENTRAD. Pola súa banda, os membros da Asociación Cultural Fumiñá de Meira visitarán o Centro de Artesanía e Deseño, o mirador de Bares e a Illa Coelleira. Tamén percorrerán a praia de Arealonga e o porto do Vicedo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
