A Mariña, 3 de agosto de 2016. Na comisión de turismo da Mancomunidade de Municipios da Mariña déronlle o visto bo onte aos proxectos previstos para este ano: maxia, menús artesáns, turismo slow, formación para restauración e hostalería e tamén acordaron facer un estudio das rutas de sendeirismo da comarca para elaborar un programa de cara ao vindeiro ano así como ofrecer información de interese sobre esta zona a través das redes sociais. O presidente, Alfredo Llano, tamén se referiu ao programa Avanza para desempregados, que porán en marcha seis concellos da Mancomunidade. Durante os vindeiros días este ente dirixirase ás tres oficinas de emprego da comarca para ofertar e cubrir as 60 prazas do programa, que podería iniciarse xa durante o vindeiro mes de setembro.
Llano contou que na xornada de onte, “démoslles para adiante aos proxectos que xa estaban contemplados para este ano. Proxectos de turismo nos que están os menús artesáns, as rutas de artesanía, e hai unha proposta de rutas de sendeirismo… imos facer un estudo para poñelas en marcha o ano que ven. Vaise pedir información a cada concello de qué rutas de sendeirismo lles interesa poñer en marcha para que sexan moi coñecidas a todos os niveis. Queremos incorporar esas rutas como unha alternativa para o Camiño Norte non soamente para persoas que queiran facer o Camiño Norte, senón como rutas de sendeirismo para poder ofertalas sen que sexa necesario facer o camiño completo”.
O presidente da Mancomunidade dixo que “tamén estivemos falando do turismo slow que queremos poñer en marcha inmediatamente, xa que se está movendo moito e está tendo bastante éxito. Temos feito conexións coa liña de FEVE para que puxera unha serie de carteis anunciando esa campaña. Tamén falamos da formación, xa que temos previsto facer cursos ou seminarios desde a Mancomunidade e que recolla tamén achegas de Educación, a través do IES de Foz, e de representantes das ACIAS de A Mariña lucense”.
Alfredo Llano engadiu que “tamén lle demos para adiante a algo que me parece moi bo, como son as redes sociais xa que queremos poñer a través delas unha serie de informacións de A Mariña como as festas dos concellos, dar información incluso das mareas, das festividades, de todo aquilo que pode ser interesante para achegarse aquí á Mariña”.
Emprego
O presidente da Mancomunidade tamén se referiu á outra reunión celebrada este martes na que “decidimos entre todos poñernos en marcha co programa Avanza. Esta semana imos poñernos en contacto coas tres oficinas do INEM de toda A Mariña para que nos propoñan a cantidade de alumnos que necesitamos. Son 60: 4 prazas para persoas desempregadas con discapacidade, 5 para persoas desempregadas en risco de exclusión social, 3 para mulleres desempregadas e que acrediten a condición de vítimas de violencia doméstica, 22 prazas para menores de trinta anos desempregados de baixa cualificación, 14 para menores de trinta anos desempregados e 12 máis para mulleres desempregadas. Isto implica que temos que facer unha inserción laboral de 21 persoas e os seis concellos estamos dispostos a asumir ese reto. Imos comezar xa esta semana. Creo que hai unanimidade en que a Mancomunidade acometa esta iniciativa a través destes seis concellos este ano e posiblemente para o ano que ven xa entremos a maioría se isto dá bo resultado”. Os Concellos participantes neste programa son Barreiros, Mondoñedo, A Pontenova, Riotorto, Burela e O Vicedo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
