NOTA DE PRENSA
unha xuntanza mantida hai uns meses, o portavoz do Grupo Popular obtivo o compromiso do presidente do ente público de minorar as cargas fiscais, compromiso que agora se concreta en reducións de ata o 90 por cento, e que xa avanzara na súa primeira comparecencia parlamentaria
RUIZ RIVAS SALIENTA QUE AS REBAIXAS NAS TARIFAS PORTUARIAS CONFIRMADAS POR PORTOS DE GALICIA REFLICTEN A PREOCUPACIÓN DO GOBERNO DO PP POLAS XENTES DO MAR
* A redución da taxa por amarre de embarcacións para os xubilados do mar poden chegar, mediante convenio, ao 25 por cento.
Santiago, 14 de novembro de 2009.- O portavoz do Grupo Parlamentario Popular, Manuel Ruíz Rivas, salienta que as rebaixas nas tarifas por servicios portuarios confirmadas por Portos de Galicia reflicten a preocupación do Goberno do PP polas xentes do mar. Ruiz Rivas lembra que hai uns meses mantivo unha xuntanza co presidente do ente público, José Manuel Álvarez-Campana, na que este se comprometeu a minorar as cargas fiscais, compromiso que agora se concreta en reducións de ata o 90 por cento, e que xa avanzara na súa primeira comparecencia parlamentaria.
Así, cunha rebaixa do 10 por cento para o conxunto das tarifas, a taxa X-4, por comercialización de peixe fresco, reducirase nun 0,25%, pasando do 2 actual sobre o valor da venda ao 1,75%, o que supón, en palabras do deputado popular “un gran beneficio para o sector da venda da pesca, xa que é unha redución moi considerable”.
Doutra banda, a redución da taxa por amarre de embarcacións para os xubilados do mar poden chegar, mediante convenio, ao 25 por cento. Esta tarifa terá unha bonificación xeral do 10 por cento, pero os beneficiarios poden acollerse mediante convenio a unha rebaixa adicional de entre o 10 e o 15 por cento. Na súa entrevista co presidente de Portos, Ruiz Rivas fixera especial fincapé na atención a este colectivo, tendo en conta que os xubilados do mar “perciben unhas pensións bastante reducidas”, polo que “consideramos de xustiza calquera acción que poida favorecer a súa situación”.
As rebaixas na tarifa por entrada de barcos pesqueiros baixará un 15 por cento e, no caso das embarcacións de pesca tradicionais, haberá unha redución adicional do 50 por cento. Esta rebaixa pode chegar ao 90 por cento, mediante convenio, no caso dos mexilloeiros, que se beneficiarán tamén dunha redución xeral do 15 por cento na tarifa X-2, que grava o atraque do barco, que pode ampliarse ata o 50 por cento tamén mediante convenio.
REDUCIÓN DE IMPOSTOS COMO ALTERNATIVA
Ruíz Rivas valora moi positivamente que, no actual contexto de crise económica, o Goberno de Núñez Feijóo opte pola redución de taxas e impostos “como alternativa de loita contra esa crise, ao contrario do que fai Zapatero, que carga nos petos dos cidadáns os seus erros e a súa nefasta política económica”. O portavoz parlamentario do PP subliña que medidas como as aprobadas por Portos “contribuirán a aumentar a produción, a dinamizar a economía dos sectores relacionados co mar, dar maior liquidez ás empresas deses sectores e crear emprego”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
