NOTA DE PRENSA
O GMPP afirma que Nieves Cando minteu cando prometeu escolas deportivas gratuitas.
Barcia e Pedre destacan que os convenios asinados cos clubes non garanten a gratuidade.
Consideran que o bigoberno non fixo nada polo deporte burelés.
O GMPP de Burela, a través dos seus concelleiros José María González Barcia e Luis Miguel Pedre Dìaz, afirmaron hoxe nunha nota de prensa que o Concello de Burela a través de Nieves Cando deu a súa palabra de que as escolas deportivas ían ser totalmente gratuitas para os seus usuarios e se está demostrando que eso non é así. Polo anto, Barcia e Pedre aseguran que Burela perde cos enganos do Bloque e do PSOE.
Os concelleiros populares aseguran que a delegada municipal de Deportes, Nieves Cando, dixo sempre que as escolas deportivas ían ser totalmente gratuitas, as do concello porque as pagaba o concello, e as de fútbol sala, fútbol e baloncesto porque se ían pagar cos convenios que o concello asinaba co Burela Futbol Sala, coa S. D. Burela e co Clube Baloncesto Burela. Barcia e Pedre aseguran que Nieves Cando minteu. E minteu porque nos propios convenios que se asinaron hai algo máis de un ano, que remataron a súa vixencia en Xuño do presente ano, e que ainda están sen renovar, non se fai constar en ningún punto que estas tres escolas deportivas teñan que ser gratuitas para os nenos e nenas que a elas se apunten.
A única responsabilidade é do Concello, porque non é capaz nin de renovar os convenios nin de garantir a gratuidade. Tanto e así, afirman Pedre e Barcia, que algún destes tres clubes, ante o silencio de Nieves Cando para renovar e adecuar os convenios, non tivo máis remedio que poñer unha couta de inscripción e outra trimestral para os rapaces e rapazas usuarios.
Segundo os concelleiros populares, esta é a realidade á que nos tén levado Nieves Cando e a súa equivocada política deportiva, que se basea en promesas que non se cumplen e que busca máis a foto e o autobombo ca a auténtica promoción do deporte de base. Ademais, Barcia e Pedre aseguran que se están pagando algúns favores políticos en vez de atender ás necesidades reais do deporte de base, e lembran que o bigoberno non fixo nada polo deporte en Burela, nin en obras nin en ningún outro apartado.
Finalmente, os populares aseguran que este engano non lle vai sair gratis ó bigoberno municipal e que máis tarde ou máis cedo a cidadanía decatarase da mentira e do engano que nos queren facer tragar.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
