NOTA DE PRENSA
Manifesto do PPdeG no Día Internacional da Eliminación da Violencia contra a Muller
O Partido Popular de Galicia quere aproveitar a simboloxía internacional deste día, 25 de novembro, dedicado á ‘Eliminación da Violencia contra a Muller’, para manifestar o seu máis absoluto rexeitamento contra esta lacra social que afecta a milleiros de persoas cada ano e que merece a condena explícita, unánime e contundente de toda a sociedade galega e española. Hoxe queremos aproveitar para alzar a voz, unha vez máis e tódalas que fagan falla, contra calquera tipo de agresión sexista, xa sexa física ou moral.
Os populares dicimos NON rotundamente á violencia contra a muller, condenamos de raíz esta infamia e consideramos que cada agresión, cada maltrato e cada momento no que un home lle levanta a man a unha muller debemos afrontalo como unha derrota de todas e cada unha das persoas que conformamos esta sociedade.
A violencia de xénero non é un problema que afecte só a quen a padece, nin sequera é un problema só das mulleres; a violencia de xénero é un problema de todos e cada un de nós.
Os políticos, os responsables dos medios de comunicación, así como os xuíces, os fiscais e cada membro desta sociedade, todos nós, debemos estar unidos, concienciados e activados en busca de poder protexer aos máis débiles. Ttodos debemos ser actores dun proceso que non debe finalizar ata que sexamos capaces de rematar con esta lacra, ata que sexamos capaces de impoñer o respeto humano.
Pero este propósito non debe ocupar só unha data como a de hoxe, marcada en vermello no calendario. Para o Partido Popular de Galicia, o Día Internacional da Eliminación da Violencia contra a Muller non é só o 25 de novembro; para o Partido Popular de Galicia, o Día Internacional da Eliminación da Violencia contra a Muller celébrase os 365 días do ano.
Somos conscientes de que hoxe tamén haberá agresións, insultos e humillacións, e mentres esta situación continúe, mentres os balances de mulleres maltratadas ou asasinadas arroxen cifras distintas a cero, os populares seguiremos traballando a fondo para erradicar esta situación canto antes e de raíz.
A violencia de xénero devalúa a nosa sociedade e humilla non só ás persoas maltratadas senón tamén a aquelas que non consiguen acabar cos malos tratos. Por eso, desde o ámbito da prevención, da educación, da xustiza, da acción policial e da conversión deste problema nun quebranto para todos nós, traballaremos en busca de que a violencia de xénero sexa cousa do pasado, sen cabida no futuro.
Loitaremos por que se inculquen aos máis pequenos uns valores de respeto e convivencia que condenen as agresións; loitaremos tamén por que ningún maltrato saia gratis, nin sequera barato; loitaremos para penalizar as accións dos maltratadores, cos xuíces, cos fiscais, cos policías. Ningún medio está de máis se permite aforrar unha soa agresión á sociedade galega e española.
No que vai de 2009, xa son catro as mulleres asasinadas a mans das súas parellas ou ex parellas en Galicia, e son catro máis das que deberían ter sido: traballaremos, polo tanto, para que a cuarta destas mulleres sexa tamén, non só a última falecida por un caso de violencia de xénero, senón tamén a última persoa que padece na súa pel o maltrato de calquera tipo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
