64 bandas conforman o primeiro adianto de cartel do Resurrection Fest 2017. Este ano conseguen superarse aínda máis e traer a unha das maiores bandas do planeta, das máis pedidas ao longo destes anos, e virá encabezando o festival nunha data única en toda a Península Ibérica en 2017 o venres 7 de xullo. Trátase dos alemáns Rammstein que levarán a Viveiro o mellor directo do mundo, un concerto completo de longa duración cheo de toda a súa pirotecnia e escenografía.
As sorpresas non quedan aí, xa que outra das bandas máis pedidas desde os nosos inicios e unha das bandas máis importantes do punk rock, Rancid, tamén estarán no festival xunto aos tamén aclamados Dropkick Murphys, toda unha festa asegurada. Suicidal Tendencies xunto a Dave Lombardo (batería orixinal de Slayer), Agnostic Front, Comeback Kid, Terror, Snapcase, Deez Nuts ou The Bouncing Souls tamén farán pola súa banda as delicias dos fans do punk e do hardcore. “E para os que lles gusta o metalcore e o metal progresivo actual, teremos aos grandes Architects, os instrumentais Animals As Leaders, Bury Tomorrow, The Devil Wears Prada por primeira vez en España, Northlane e moitos máis.
Doutra banda, para os que prefiren o hard rock poderán disfrutar dos australianos Airbourne, reencarnación do espírito máis ACDC. E índonos ao metal extremo, Arch Enemy tocarán por primeira vez no festival, e teremos xoias como Mayhem tocando o seu mítico álbum “De Mysteriis Dom Sathanas”, Napalm Death, The Black Dahlia Murder ou Taake. Non nos esquecemos do folk metal porque Eluveitie e Korpiklaani farannos bailar ata altas horas, nin do thrash con Lost Society ou Warbringer.
“No noso novo escenario de sons sureños, o Desert Stage, teremos a grandes nomes como Rede Fang, Pentagram coa súa xira de despedida “Last Daze Here”, Alcest, Orange Goblin ou Truckfighters, que estamos seguros alegrarán a gran parte do noso público, achegando calidade e variedade á programación”.
Pero o cartel non remata ahí. Hai unha chea de grupos de gran calidade que convidamos a descubrir na listaxe de bandas confirmadas.
Entradas
O vindeiro martes 13 de decembro Resurrection Fest pon á venda as entradas da xornada do venres 7 de xullo, día de actuación de Rammstein, a un prezo de 79 euros más gastos.
Estas entradas de día súmanse ás entradas de 3 días, dispoñibles a 115 euros más gastos. Debido á alta demanda de abonos, o número de entradas do venres será limitado. Esta entrada dará acceso a todo o día do festival (aproximadamente 30 bandas en total), non so ao concerto da banda.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
