Ribadeo, 26 de decembro de 2016.- A Xunta de Galicia investiu preto de 900.000 euros en actuacións de mellora de infraestruturas e servizos no concello de Ribadeo nos últimos meses. Así o explicou o delegado territorial, José Manuel Balseiro, quen se referiu ás principais iniciativas impulsadas na localidade e sinalou que son “unha mostra do compromiso do Goberno de Galicia cos veciños e veciñas deste municipio”.
O delegado territorial realizou estas declaracións tras supervisar a obra de mellora do saneamento na rúa Alza-Cemiterio, unha obra de máis de 50.000 euros de investimento que recibiu unha subvención da Vicepresidencia e Consellería de Presidencia, Administracións Públicas e Xustiza.
Os traballos consistiron na substitución dun tramo da rede de saneamento municipal, cambiando un dos colectores, instalando varios pozos de rexistro e substituíndo a canalización de formigón por outra de PVC. Así mesmo, reparouse o firme cunha capa de aglomerado asfáltico en quente, entre outros traballos.
A zona acondicionada é basicamente residencial pero ten moito tránsito, tanto de vehículos como de peóns, xa que é de paso obrigado ao cemiterio e tamén a urbanizacións privadas, espazos hoteleiros e zonas deportivas.
O delegado puxo de relevo a implicación da Xunta coa mellora de dotacións do concello de Ribadeo, que se manifesta noutras liñas de colaboración, como o Plan Marco de mellora de camiños municipais da Consellería do Medio Rural, que destinou preto de 60.000 euros para o arranxo de dúas vías na parroquia de Arante: o camiño de acceso a Cei dende a estrada LU-P-5204 e o camiño a Madanela dende a LU-133.
A través da Oficina de Rehabilitación destínanse á mellora de vivendas na localidade máis de 64.000 euros, e igualmente se consignaron fondos para espazos naturais, entre os que cabe destacar os preto de 200.000 euros investidos no servizo de control e vixilancia contemplado no Plan de Conservación da praia das Catedrais, pero tamén os 20.000 euros que recibe Ribadeo para o bienio 2016-17 para labores de extracción de vexetación exótica e plantación de arborado autóctono na marxe da ría.
Reforzos en materia de persoal
Durante este ano a Xunta propiciou tamén a contratación de persoal para reforzar determinados servizos ou executar obras de interese social, como os 16 alumnos traballadores do obradoiro de emprego, oito socorristas que realizaron funcións de vixilancia nas praias durante o verán, un axente de emprego, dous peóns a través do programa Aprol Rural, e un traballador para a oficina de turismo. En conxunto, as axudas nesta materia sumaron máis de 184.000 euros.
No eido dos servizos sociais, cabe lembrar que a Consellería de Política Social destina ao concello 200.000 euros para sufragar o servizo de axuda no fogar, ademais de desenvolver accións de intervención social nos seus propios centros.
O delegado explicou que “a Xunta presta colaboración permanente aos concellos co ánimo de dar resposta ás principais necesidades que presentan, para que todos os veciños e veciñas da provincia disfruten en condicións de igualdade duns servizos públicos de calidade”.
Na mesma liña, sinalou, “asumimos a necesidade de actualizar e mellorar constantemente os servizos e dotacións que prestamos de forma directa aos cidadáns”. Neste apartado, referiuse ás obras executadas recentemente no centro sociocomunitario e na escola infantil Santa María do Campo, que xunto co novo equipamento adquirido para ambos centros alcanzan un orzamento de case 51.500 euros.
Realizáronse tamén obras de mellora en centros educativos, como o CEIP Gregorio Sanz e o IES Dionisio Gamallo Fierros, por importe de máis de 28.000 euros.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
