Burela 28-12-16. Este venres, 30 de decembro, ás 19:00 horas no Auditorio da Casa da Cultura , a Delegación Municipal de Cultura, presenta o seu último musical do ano e adicado para tódolos públicos. Malasombra Producións achéganos este fermoso musical para toda a familia. As entradas están a venda na Biblioteca Municipal e o prezo é de 5 euros, anticipada e, 7 euros en taquilla.
Os ROCKENSTEIN responde a unha sólida proposta musical e creativa na cal se mesturan á perfección e con selo propio, diferentes formas de expresión como son a música, o baile e o teatro, xunto cun depurado compoñente plástico. Nenos e adultos poderán gozar xuntos, co doutor Rockenstein e as súas criaturas, para compartir un momento único e inesquecible.
A través das cancións orixinais interpretadas en directo, o humor e emotivas situacións, os nenos aprenderán da man destes personaxes a importancia de asearse adecuadamente, de alimentarse ben, a importancia de aprender cada materia que lles ensinan no cole, de escoller un oficio , de coñecer o mundo e as xentes tan diferentes que habitan e tamén do importante que é saber coidar dun mesmo cando é necesario.
No musical o doutor Rockenstein, que é un científico musical que decide crear unha criatura que salve ó mundo da desaparición do Rock´n Roll, e para iso, mestura na súa máquina de experimentos musicais, os ingredientes necesarios para crear unha estrela do rock : Un disco de Elvis, un póster dos Rolling, un calcetín do guitarrista de ACDC, un rizo de Tina Turner…
O experimento resultará… teremos que vir velo e disfrutalo con :
Jouse García no papel de doutor Rockenstein, Xoque Carbajal en Jonh Rockenstein, Celia González en Tina Rockenstein, e Sandra Iglesias no papel de Janis Rockenstein.
Dirixe , Marcos Orsi.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
