Foz, 28 de decembro de 2016. Durante este ano 2016 o BNG de Foz presentou ducias de mocións, a maioría das cales foron aprobadas pola corporación municipal.
Entre as máis salientables están o adecentamento das beirarrúas de Vilaxoane, a revisión dos vados, a mellora das pistas afectadas pola industria da madeira, a execución do procedemento sancionador pola tenencia de animais, a regularización e delimitación da zona de caravanas, a realización do mercado semanal do 9 de agosto, o arreglo da Casa da Cultura e ampliación da Biblioteca Municipal, a información pública sobre o proxecto de humanización do centro e a valoración da compra do solar de Vialmar na rúa de Lugo. A pesar de estaren aprobadas en pleno, a maioría delas por unanimidade, grazas á desidia e desleixo do equipo de goberno aínda non se executaron, co conseguinte prexuízo para as arcas municipais e o benestar de toda a veciñanza.
Como recordan as concelleiras nacionalistas “debido a que o PP ostenta o goberno da vila en minoría, moitas veces o voto do BNG resulta decisivo. Así ocorreu no caso da xestión da nova residencia de anciáns, que saíu adiante grazas á defensa do BNG do benestar dos actuais usuarios e dos postos de traballo. Tamén os orzamentos, que recollían propostas do BNG por valor dun millón de euros, como a reforma do pavillón municipal de Marzán, o saneamento das parroquias ou a mellora económica da Escola de Música, recibiron o noso apoio para poder sacar adiante todas estas iniciativas”.
Lembran Rego e Seivane outros temas de calado que se trataron durante este ano 2016, como a aprobación do PXOM ou a resolución do contrato con Gestagua. “Nestes dous casos o noso voto foi en contra, no PXOM porque cremos que se pode facer un PXOM moito mellor e que o actual deixa a moitas familias desamparadas; no caso de Gestagua, porque a empresa non presentou a suficiente documentación para xustificar a suposta débeda de máis de un millón de euros que queren que asumamos.”
As nacionalistas tamén destacan outro tipo de iniciativas, como os rogos e preguntas. “No día a día conseguimos cousiñas máis pequenas, pero tamén importantes como a creación de novos pasos de peóns, o correcto mantemento das instalacións municipais como os locais sociais da Praza de Tregastel ou a creación do aparcadoiro para os traballadores do colexio Fondo-Nois”, lembran Rego e Seivane.
“Pero aínda hai moitas cousas pendentes: a apertura da nova residencia, que xa non pode agardar máis, a charla informativa sobre a humanización que tanto levan demandado os veciños e que se debería facer antes de empezaren as obras, o proxecto de saneamento das parroquias… Tantas cousas que se deberían executar e rematar antes de empezar novos proxectos. Non nos esquecemos de todas aquelas propostas que están aprobadas e seguirémoslle recordando ao alcalde que é a súa labor executalas”, insisten Rego e Seivane.
De cara ao próximo ano 2017 Rego e Seivane afirman que “teremos moitos asuntos de calado que resolver, como a xestión da auga, que esperamos que volva a estar en mans do concello, a aprobación do anteproxecto da nova depuradora ou a elaboración dos novos orzamentos”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
