Ribadeo, 28 de decembro de 2016.- O delegado territorial da Xunta en Lugo, José Manuel Balseiro, amosouse “sorprendido” pola reacción do alcalde de Ribadeo, Fernando Suárez Barcia, “a quen parece que lle molesta que o Goberno galego invista no seu concello”
En calquera caso, o representante autonómico evitou entrar en polémica co rexedor tras insistir en que na Xunta están para resolver os problemas das veciñas e veciños de Ribadeo “e non para crealos, ou para perder o tempo en polémicas estériles”.
“Nós puxemos unhas cifras enriba da mesa: preto de 900.000 euros que o Goberno galego investiu nos últimos meses en Ribadeo, e confirmamos cada unha delas. Podo dicir incluso que, probablemente a Xunta sexa a administración que máis investiu neste concello. E iso non debería ser un problema senón unha garantía, algo positivo”, indicou Balseiro
Rúa Aza-Cemiterio
Desde a Delegación territorial si aclararon que o investimento realizado na rúa Aza-Cemiterio, ao abeiro dunha axuda da Consellería de Presidencia, permitiu mellorar o saneamento e a asfaltado desta vía. Executouse con fondos de diversas administracións, propios e outros procedentes de Europa, “pero que xestiona directamente a Xunta, que é quen decide onde se aplican, en función do plan de necesidades que nos trasladaron”
Balseiro lembrou tamén que o Goberno galego inviste en Ribadeo no sostemento dos servizos sociais, no obradoiro de emprego, no Plan Marco de Mellora de Camiños Rurais (en Arante, Cei e Madanela), na rehabilitación de vivendas e en espazos naturais como As Catedrais, entre outras moitas iniciativas que contan con apoios autonómicos.
“Para o alcalde todo investimento parece converterse nun problema, cando, polo contrario tería que haber unha colaboración institucional fluída e permanente. Insisto, nós estamos para resolver os problemas dos veciños de Ribadeo e seguiremos facéndoo con todos os nosos medios e recursos”- concluíu
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
