Non é novedoso nin orixinal facer balance ó peche deste ano 2016, sempre que algo remata hai que botar á vista atrás; o uso da linguaxe non é casual e instintivamente veñen á miña boca expresións como “balance” ou “peche” usadas por analoxía no argot da economía ou contabilidade. Craso error, o corazón segue a ter razóns que a razón non entende.
Por tanto o presente artigo pretende despoxarse de toda autoridade científica, de toda base demostrable, é tan só un exercicio de sinceridade, unha opinión subxectiva baseada na emoción de quen o firma. Non me tomen nunca demasiado en serio.
O 2016 marcha do mesmo xeito que o fixeron os anos antecedentes, pola porta de atrás marcado pola falta de humanidade e irresponsabilidade de todos os que conformamos o sistema global mundo: en torno a 795 millóns de persoas no mundo (1 de cada 9 habitantes do planeta terra) teñen problemas de inanición, a guerra incendia Siria, Irak, Sudán do Sur, Afganistán, ou a conca do lago Chad con nula presencia nos medios, e a contaminación causa 4.280 mortes prematuras ó ano en Madrid.
A vella Europa parece descomporse por momentos e antigas pantasmas do pasado sobrevoan ó continente e vóltanse visibles: Fronte Nacional francés, Partido Nacional Democrático alemán, Partido pola Liberdade holandés ou a Liga Norte Italiana. A democracia liberal está a debaterse co fascismo.
A fractura social e identitaria divide ó estado español e a nosa comunidade segue a agonizar con respecto ós seus sectores produtivos. Á crise económica engádeselle a crise identitaria e a crise de réxime político. Todo elo aderezado coas actuais taxas de desemprego, co risco crecente de exclusión social e a problemática da pobreza enerxética. Gustaríanme unhas palabras amables para rematar o ano mais costa moito atopalas…
E no medio de toda esta lama, no medio de tanto esterco, lonxe de sinalar a ninguén é imprescindible que cadaquén colla a súa cuita de responsabilidade, asuma o súa porcentaxe de culpa.
Un ano marcha e outro ven e da a impresión de que seguimos camiñando en círculos cara a ningures, tropezando unha e outra vez na mesma pedra. Pero, en ocasións, as cousas cambian: a xente organízase de forma espontánea e xurde a esperanza, a xustiza semella independente, existen a cooperación e a solidariedade…
¿Que podo engadir a toda esta construción teórica? Nada, simplemente compartir unha sensación, unha emoción; para amañar todo este desastre somos necesarios todos, é imprescindible a empatía e indelegable a comprensión. Porque Trump non é un monstro extraordinario, tan só unha persoa respaldada por outras moitas.
Neste case finado 2016 quedamos no medio dunha encrucillada de camiños, o importante agora é escoller que dirección imos seguir. E as decisións e responsabilidades son propias e irrenunciables. O pecado do silencio cando deberan ter protestado fai cobardes ós homes.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
