Lugo 29-12-16. O Presidente, Darío Campos Conde, informou este xoves dos asuntos da última Xunta de Goberno do 2016 e detallou os investimentos de máis de 2,6 millóns de euros aprobados. Campos Conde subliñou que “con esta nova inxección económica na provincia buscamos mellorar infraestruturas e dotacións públicas nos Concellos; dinamizar o rural coa organización de novas actividades culturais e deportivas, así como contribuír ao desenvolvemento das que realiza o conxunto do tecido asociativo; ou facilitar a posta en marcha en Lugo de destacados proxectos, que axuden a potenciar o sector turístico e, en xeral, a economía da nosa provincia. Son investimentos de distinta índole cuxo obxectivo último é o de responder ás necesidades dos lucenses, dende unha Deputación que está a carón das persoas”.
1,6 millóns para mellorar infraestruturas e dotacións públicas en 8 Concellos
1.- contratáronse as obras de mellora na LU-P-2801 de Santo Tóme, por San Adriano, e Augaxosa a Mazo, no Concello de Lourenzá, por valor de 178.000. Con este orzamento, o Goberno da Deputación mellorara un treito de máis de 3 quilómetros.
2.- adxudicáronse as melloras na LU-P-0403 por Rego de Pereira a Quintá, no Concello de Baleira, por valor de 53.000 euros. Con este orzamento, o Goberno da Deputación mellorara un treito de 1,2 quilómetros.
3.- invístese 1 millón de euros para humanizar e desdobrar a avenida Duquesa de Lugo, no Concello lugués. Son 500.000 euros este ano; 350.000 no 2017 e 150.000 no 2018.
4- invístense 36.000 euros na dotación dunha depuradora no barrio do Empalme, na parroquia de Cabreiros, no Concello de Xermade.
5.- achéganse 31.200 euros para mellorar o abastecemento de auga na parroquia de Vilarxoane, no Concello da Pontenova.
6.- adícanse 28.500 euros a actuacións de mellora no centro socio cultural e biblioteca municipal do Concello de Pol.
7.- achéganse 24.800 euros a melloras en accesos públicos e cometidas de auga en núcleos rurais do Concello de Navia de Suarna.
8.- O Executivo Provincial acordou adiantar 225.000 euros ao Concello de Monterroso para iniciar as obras de rehabilitación do edificio anexo á residencia e centro de día público e transformalo nun centro de atención a dependentes asistidos.
9.- destínanse 60.000 euros á dotación de alumeado público ao campo de fútbol de Monterroso.
Axudas culturais e deportivas aos Concellos de 225.000 euros
10.- resolvéronse as axudas de 77.000 euros para a execución de pequenas obras ou da compra de equipamento en instalacións públicas culturais de 64 Concellos, que foron os que se sumaron a esta programación, que o Goberno da Deputación decidiu ofrecer a todos os Concellos de menos de 20.000 habitantes, distribuíndo o seu orzamento en base á superficie, poboación, núcleos poboacionais, esforzo fiscal e aos equipamentos culturais de cada municipio.
11.- resolvéronse as axudas de 77.200 euros para a organización de actividades culturais en 65 Concellos, que foron os que se sumaron a esta programación, que o Goberno da Deputación decidiu ofrecer a todos os municipios de menos de 20.000 habitantes, distribuíndo o seu orzamento en base á superficie, poboación, núcleos poboacionais, esforzo fiscal e aos equipamentos culturais de cada Concello.
12.- resolvéronse as axudas de 71.643 euros actividades deportivas en 59 Concellos, que foron os que se sumaron a esta programación, que o Goberno da Deputación decidiu ofrecer a todos os municipios de menos de 20.000 habitantes, distribuíndo o seu orzamento en base á superficie, poboación, núcleos poboacionais, esforzo fiscal, instalacións deportivas e ao número de clubs deportivos de cada Concello.
538.000 euros para colectivos culturais e deportistas
13.- resolvéronse as subvencións de concorrencia competitiva de 400.000 euros, que reciben un total de 527 colectivos de índole cultural da provincia para o desenvolvemento de programacións na provincia.
14.- resolvéronse as axudas de 75.000 euros para deportistas individuais, que reciben un total de 250 profesionais da provincia.
15.- resolvéronse as axudas de 45.000 euros para corredores de rally, que reciben un total de 22 profesionais da provincia.
16.- achéganse 18.000 euros ao Club Deportivo Castro para colaborar nos custos pola súa participación na 3ª División Nacional.
165.000 euros para proxectos en impulso do turismo na provincia
17.- invístense 99.000 euros na organización da edición número 12 dos Xogos do Eixo Atlántico do Noroeste Peninsular, que acollerá a provincia lucenses no mes de xullo, e coas que tamén colaboran os Concellos de Lugo, Monforte de Lemos e Sarria.
18.- colabóranse con 26.000 euros no proxecto que busca acadar a candidatura de Xeoparque Mundial por parte da UNESCO das Montañas do Courel. É unha iniciativa, que promoven os Concellos de Ribas de Sil, Quiroga e Folgoso do Courel.
19.- achéganse 40.000 euros para a organización dun congreso nacional na provincia de Lugo sobre prácticas ecolóxicas en colaboración coa SEAE.
Colaboración de 90.000 euros con colectivos da provincia
20.- colabórase con 40.000 euros coa Protectora de Animais e Prantas de Lugo.
21.- colabórase con 25.000 euros na mellora das instalacións da Asociación Provincial de Reparación e Venta de Automóbiles e Recambios.
22.- e colabórase con 25.000 euros no desenvolvemento de proxectos e actividades culturais a través da Fundación Uxío Novoneyra
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
