Cervo, 10 de xaneiro de 2017.- O salón de actos do Concello acolleu este venres a presentación da axenda de programación do Entroido no municipio.
No acto estiveron presentes o alcalde de Cervo, Alfonso Villares, a edil de Cultura, Dolores García, ademais de representantes da Asociación Airiños do Xunco e da Asociación de Mulleres Rurais As Espalladoras, coas que o Concello colabora na organización do Entroido de Cervo e de San Román de Villaestrofe.
A programación inclúe actividades para tódalas idades e en diferentes puntos do municipio, dende o 25 de febreiro ata o 4 de marzo.
Deste xeito, en Cervo, o sábado 25 de febreiro terá lugar un Play-Back Infantil. Será ás 18:30 horas na Casa do Concello. O domingo 26, celebrase o desfile. Ás 17:00 horas os participantes deberán concentrarse no pavillón de Cervo para inscribirse e a saída está programada para as 18:00 horas.
Haberá premios para os mellores difraces e cestas con produtos típicos de Entroido para todos os que se anoten. A charanga Aturuxo amenizará a xornada.
En San Cibrao, a cita principal será o martes de Entroido, 28 de febreiro. O tradicional desfile sairá da Praza dos Campos ás 18:00 horas. Haberá importantes premios en metálico para os mellores disfraces e comparsas, ademais de bolos preñados para os participantes e vales de consumicións nos locais de hostalería de San Cibrao, para os inscritos ata o venres 24 de febreiro.
A charanga Os Macanudos amenizará a tarde, e, xa pola noite, ao remate do desfile, collerá o testigo o grupo de música Kalimea. ÁS 22:30 horas terá lugar a tradicional cea de Entroido, organizada polo CIT.
Pola súa banda, o Entroido de San Román celebrase o 4 de marzo. Será a partir das 22:30 horas, amenizado pola orquestra La Favorita, con importantes premios en metálico para os mellores disfraces. Colaboran ademais neste Entroido Alcoa e a Asociación de Montes Veciñais de San Román.
Neste senso Villares destacou “que dende o Concello centramos os nosos esforzos en ofrecerlles aos veciños unha oferta lúdica do máis variada e completa; para que gocen do Entroido da mellor maneira posible, de feito, nesa semana concentramos un amplo abanico de actividades para tódolos membros da familia e convidamos, por suposto, a todos, veciños e foráneos, a vivir connosco o Entroido de Cervo”.
Así mesmo, a edil delegada de Cultura, Dolores García, destacou que “ademais dos tradicionais desfiles, dende o Concello programamos unha Festa Infantil para o luns 27 de febreiro, na que haberá globos, pallasos, espectáculos e todo tipo de xogos e sorpresas para os máis pequenos” e, como novidade –engadiu- “o mércores 1 de marzo veciños e visitantes están convidados a bailar na Praza dos Campos, á que traeremos un espectáculo Dance Play para tódalas idades, ademais haberá tamén un concurso de máscaras e caretas”. A cita será ás 19:00 horas.
Como programación complementaria ao Entroido, este domingo, en horario de 11:00 a 14:30 horas, a Casa da Cultura acollerá un obradoiro de maquillaxe, impartido por unha especialista en técnicas de maquillaxe á agua. Ás 15 prazas están cubertas.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
