Ribadeo, 17 de febreiro de 2017. A Casa do Mar quedouse pequena para acoller a toda a xente que acudiu onte á tarde á charla sobre a couza guatemalteca que pronunciaron dous técnicos da Xunta de Galicia. Finalmente o acto trasladouse ao auditorio municipal Hernán Naval. O alcalde incidiu na preocupación que existe entre os produtores ribadenses, critica as recomendacións feitas desde a Xunta e urxe que se tomen decisións e medidas concretas.
Alí o alcalde, Fernando Suárez, dixo: “Deus me libre de discutirvos nada técnico porque non é a miña cuestión. Pero o que pasa é que vedes que aquí hai dúas cousas: primeiro, agora non queda outra que mirar para diante pero no pasado no se foi moi áxil; non por vós, que sodes uns funcionarios, uns traballadores, e facedes o que vos mandan, pero realmente non é a mesma incidencia, polos estudos que vosoutros destes, que había en Burela que en Ribadeo, porque aquí seguramente haxa bicho, aínda que en todo o que levo escoitado ninguén me dixo que o houbera, pero se o decides vós seguro que o hai, aínda que non é menos certo que na parte da Mariña de aló hai moitísimo máis, porque alí si que é evidente. Entón igual se puido ser un pouco máis áxil. E agora o problema é que máis dá, non foi ben, pero vamos mirar para diante. Claro, non queda outra que mirar para diante porque a xente aquí agora ve que, aínda que as administracións sexan de diferente cor política, todos queremos resolver o mesmo, matar a praga e queremos volver labrar patacas, para autoconsumo, para vender ou para o que sexa”.
O rexedor manifestou: “pero outro problema que vemos tamén é que detectamos unha praga e as únicas medidas que se dan son unhas recomendacións; e teño as miñas profundas dúbidas de que sexa posible que hoxe, mañá ou para a semana que vén ou mentres non saia publicado o decreto estatal se lle diga a alguén que as retire sen indemnización, a ninguén. Iso é un principio básico de dereito”.
Suárez Barcia sinalou: “ademais vexo que cando hai problemas irradiamos cartas para todo o mundo: para que o Concello vaia coa Policía Local, que irá pois o Concello de Ribadeo non vai ser insubmiso, irá ao mercado a mirar, pero nos que non teñen Policía Local, como Barreiros, Alfoz, O Valadouro, Ourol ¿quen vai ir? Iredes vós. E despois ¿quen vai regular fóra do mercado? O tema é que nesta situación para ser unha peste non se toman medidas propias dunha praga senón recomendacións e así non se vai conseguir nada. Recomendamos que non se labre, pero non se toman medidas”.
O alcalde ribadense na súa intervención indicou que “todos queremos que isto se erradique, pero moito nos tememos que con isto vaia pasar como coa velutina, que nos primeiros momentos todo o mundo intenta combater e despois acaban por renderse porque se ve que vén por todos os lados. O Estado queda moi lonxe aquí para moitas cousas, pero a Xunta de Galicia ten a competencia plena en agricultura e podía hai tempo tomar medidas coercitivas, pero non o fixo e agora estamos así todos”.
E engadiu: “transmitide aos que vos mandaron aquí, pero que non viñeron, que Ribadeo vai colaborar en todo canto poida, pero nin o alcalde nin os concelleiros da corporación van ir polas palleiras revisando iso. Pedirlle á xente que sexa consciente de que isto é unha desgraza é importante facelo, pero debe ir acompañado dunhas medidas a tomar con claridade”.
Para Fernando Suárez “non se está actuando dunha maneira adecuada contra unha praga e ademais, desgraciadamente, vén para quedarse. Polo tanto transmitide a enorme preocupación que ten aquí a xente e que solucións se tiñan que tomar de maneira inmediata e non por recomendacións senón por decisións”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
