Foz, 9 de marzo de 2017. A biblioteca pública municipal de Foz anuncia a celebración en Viveiro e Ribadeo de cursos preparatorios para as probas Celga 2017.
A bibliotecaria municipal, María Jesús Álvarez Sánchez, explica que “haberá trinta cursos presenciais en 29 localidades diferentes para os niveis 2, 3 e 4 e dous cursos en liña para o nivel Celga 1. Os prazos de presentación de solicitudes rematan o 28 de marzo para a formación presencial e o 23 de marzo para a teleformación. As probas de acreditación do Celga serán para o mes de xuño. A Secretaría Xeral de Política Lingüística publicou onte, día 8 de marzo, no Diario Oficial de Galicia unha nova convocatoria de cursos de lingua galega para persoas adultas preparatorios para as probas Celga 2017. Aos cursos presenciais para os niveis Celga 2, 3 e 4, que viñan sendo habituais nas últimas convocatorias, súmanse desta volta dous cursos en liña preparatorios para o Celga 1 pensados para persoas que teñen un coñecemento elemental da lingua propia de Galicia”.
María Jesús Álvarez engadiu que “tanto a convocatoria como os formularios de solicitude dos cursos presenciais están a disposición da cidadanía na sede electrónica da Xunta de Galicia (https://sede.xunta.gal) e no Portal da Lingua Galega (http://www.lingua.gal). Neste último portal poden atoparse tamén a convocatoria e o modelo de solicitude dos cursos en liña. Os cursos preparatorios do Celga están dirixidos a todas as persoas maiores de dezaseis anos ou aquelas que os fagan no ano natural da convocatoria, que desexen preparar as probas convocadas pola Secretaría Xeral de Política Lingüística para certificar a súa competencia en lingua galega. Haberá 6 cursos preparatorios para o Celga 2, que se desenvolverán en Noia, Ordes, Sarria, Xinzo de Limia e Valga. Para o Celga 3 e o Celga 4 ofrécense 12 cursos en cada caso. Os do Celga 3 celebraranse en Cee, A Coruña, Culleredo, Melide, Pontedeume, Monforte, Vilalba, Viveiro, O Barco de Valdeorras, Cambados, Moaña e Tui. Os do Celga 4 terán lugar na Coruña, Ferrol, Santiago de Compostela, Lugo, Ribadeo, O Carballiño, Ourense, Ribadavia, Verín, Pontevedra, Vigo e Vilagarcía de Arousa. Os cursos preparatorios do Celga 1, ao desenvolverse en modalidade de teleformación, poderán realizarse desde calquera punto de Galicia ou mesmo de fóra da nosa comunidade”.
Para rematar a bibliotecaria municipal de Foz comentou que na nosa comarca haberá os seguintes:
VIVEIRO CELGA 3
Código: CL320172706601
Lugar: IES María Sarmiento
Rúa Misericordia, 58
Datas: do 18.4.2017 ao 9.6.2017
Horario: das 19.00 ás 21.00 h.
Días: de luns a xoves
Venres: das 18.00 ás 20.00 h
RIBADEO CELGA 4
Código: CL420172705101
Lugar: IES de Ribadeo
Rúa Xardín, s/n
Datas: do 18.4.2017 ao 8.6.2017
Horario: das 18.30 ás 21.00 h.
Días: de luns a xoves
Para máis información: www.lingua.gal ou na Biblioteca Pública Municipal de Foz, a través do teléfono 982.140.645 e do correo electrónico biblioteca@concellodefoz.es.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
