Foz, 13 de marzo de 2017. O Concello de Foz debe un millón de euros á empresa concesionaria do servizo de auga, Getagua. Un millón, que se di rápido. Para entender como chegamos a esta situación, o mellor será repasar o ocorrido nos últimos anos.
1992: Primeira concesión, outorgada polo PP.
1995: Eleccións municipais nas que gana o PSOE en minoría. Un dos puntos do seu programa electoral é a municipalizacicón do servizo da auga. Ese mesmo punto é un dos piares nos que se basea o acordo de goberno entre o PSOE e o BNG.
1997: O PSOE renova a concesión a Gestagua por 10 anos, en contra do seu propio programa e do acordo de goberno co BNG. En consecuencia, o BNG sae do goberno.
2007: O PSOE, a poucas semanas dunhas novas eleccións municipais, renova a concesión por outros 10 anos e ademais inclúe no contrato a xestión da depuradora. Esta decisión está reparada polos servizos técnicos do concello, xa que non se axusta á legalidade.
2008: O PSOE leva a pleno a actualización da tarifa da auga, que o PP vota en contra.
2015: O PP trae a pleno a actualización da tarifa da auga, que o PSOE vota en contra.
2016: O PP trae de novo a pleno a actualización da tarifa da auga, que o PSOE volve votar en contra.
2016: Gestagua reclama unha débeda de máis dun millón de euros, que non xustifica debidamente. O PP intenta rescindir o contrato e facer un novo pola porta de atrás.
2016: O Tribunal do Contencioso de Lugo emite unha sentenza a favor de Gestagua, condenando ao Concello a pagar 440.000 euros de débeda ata 2013 máis unha cantidade indeterminada ata o momento actual. O goberno do PP decide, sen consultar co resto de grupos, non recurrir esa sentenza.
2017: 10 de febreiro: o Concello recibe a comunicación de execución de sentenza, que dá un mes improrrogable para pagar a débeda.
2017: 7 de marzo: O alcalde convoca unha xunta de portavoces urxente para decidir de onde se vai sacar 1.078.000€ para pagar a Gestagua.
E hai moitas cousas que o BNG non consigue comprender. Onde estivo o alcalde entre o 10 de febreiro que recibiu a notificación do xulgado e o 7 de marzo que decidiu informar aos grupos da oposición? Por que o 13 de febreiro o alcalde tentou suprimir o pleno ordinario dese mes alegando que non había asuntos cando tiña enriba da mesa unha sentenza condenatoria? Por que non se convocou ningunha xunta de portavoces para tratar o tema dos orzamentos desde o 11 de xaneiro, cando xa deberan estar aprobados en decembro? Por que o PP e o PSOE cambian o sentido do seu voto sobre o mesmo asunto dependendo do asento que ocupen no salón de plenos?
Non podemos permitir que o señor Castiñeira manexe os prazos ao seu antollo e conveniencia, facendo deixadez das súas responsabilidades. A súa falta de xestión neste caso levounos a esta situación de débeda, que vai limitar o investimento no noso Concello para os próximos exercicios. No BNG seguimos apostando, como fixemos sempre, pola remunicipalización do servizo da auga, de xeito que non teñamos que sufrir presións por parte da empresa concesionaria nin teñamos que pagar as consecuencias dunha pésima xestión por parte do alcalde de turno.
Lorena Seivane
Teresa Rego
Voceiras do BNG de Foz
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
