Lugo, 9 de maio de 2017. A Deputada de Cultura, Deseño e Artesanía, Pilar García Porto, presentou este martes no Claustro do Museo Provincial de Lugo, a programación de actividades, que o Goberno da Deputación ofrece, de xeito gratuíto, durante o mes de maio, co gallo do Día Internacional dos Museos, que se celebra o vindeiro 18 de maio. Este ano o lema escollido polo ICOM Internacional, é Museos e historias controvertidas. Dicir o indicible en museos. Con esta iniciativa, o Consello Internacional dos Museos, busca que os Museos establezan un diálogo entre distintos interlocutores e exerzan un papel activo, e no seu caso reconciliador cos feitos e historias traumáticas, memorias feridas, do pasado.
García Porto destacou que “durante todo o mes de maio, o Goberno da Deputación, ofrece gratuitamente, actividades, obradoiros ou exposicións, dirixidas a todas as idades, co obxectivo de fomentar e impulsar o traballo que realizamos nos 4 museos da Rede Museística durante todo o ano, ao mesmo tempo que dinamizamos as visitas ás nosas coleccións e salas expositivas. Ademais, dentro desta programación, contaremos cun conxunto de traballos do debuxante galego Luis Davila, co fin de colaborar na promoción e difusión da obra deste artista pola provincia.”
Programación
Museo Provincial de Lugo
– O 12 de maio ás 11:30 horas, obradoiro nós+outrxs en rede, con Julio Leira, dirixido aos pacientes de Cogami e As Rioplatenses.
– O 17 de maio ás 13:00 horas, espectáculo de marionetas O agasallo de Anya, por Teatro Marionetas Trécola. A entrada é libre ata completar o aforo.
– O 18 de maio ás 19:00 horas, obradoiro Humor do país por Luis Davila.
– O 18 de maio ás 20:00 horas, inauguración da exposición Humor do páis do artista Luis Davila. Esta mostra vai a estar exposta nos 4 museos da Rede Museística.
Museo Fortaleza San Paio de Narla
– O 20 de maio terá lugar a actividade Noite dos Museos, dirixido ao Club Pequeamig@s, no que os rapaces realizarán actividades e pasarán a noite no museo.
– O 27 de maio ás 12:00 horas, presentación da exposición/obradoiro Humor do país, por Luis Davila.
Museo Provincial do Mar
– O 19 de maio ás 18:00 horas, presentación da exposición/obradoiro Humor do país, por Luis Davila.
Museo Provincial do Mar
– O 19 de maio ás 18:00 horas, presentación da exposición/obradoiro Humor do país, por Luis Davila.
Museo Pazo de Tor
– O 13 de maio ás 12:30 horas, presentación da exposición/obradoiro Humor do país, por Luis Davila.
– O 19 de maio ás 11:30 horas, obradoiro nós+outrxs en rede, con Violeta Bernardo, dirixido aos integrantes de Ágora-Monforte.
– O 20 de maio ás 11:00 horas, obradoiro A horta de Tor, dirixido ao Club Pequeamig@s, no que plantarán produtos autóctonos, como tomates, pementos, ou patacas, entre outros.
– O 20 de maio ás 11:00 horas, obradoiro de Xogos tradicionais, dirixido ao Club Pequeamig@s, no que practicarán distintos xogos.
– O 25 de maio ás 16:30 horas, obradoiro de Álbum de Memoria, no que participarán os usuarios do xeriatrico do Concello de Monforte de Lemos, no que realizarán distintas actividades enfocadas en traballar a memoria.
ICOM
O Consello Internacional de Museos (ICOM) é unha organización internacional de museos e profesionais, dirixida á conservación, mantemento e comunicación do patrimonio natural e cultural do mundo, presente e futuro, tanxible e intanxible. Creado en 1946, ICOM é unha organización non gobernamental (ONG), que mantén unha relación formal coa UNESCO e ten status de órgano consultivo do Consello Económico e Social das Nacións Unidas
A Rede Museística da Deputación, súmase a iniciativa deste ano da ICOM, cunha proposta que ten como motivadores dese diálogo obxectos expostos no Museo Pazo de Tor cuxa interpretación puidera ser controvertida. Trátase de solicitar a axuda voluntaria da comunidade para discutir e compartir ideas en beneficio do colectivo. Un traballo interactivo, para obter a máxima información posible sobre os obxectos ou pezas que se sometan a discusión. O Goberno da Deputación escolleu o Museo Pazo de Tor por tratarse dun museo monográfico, que conta con obxectos susceptibles de discusión en comunidade: fotos, medallas, vestiario de carácter militar, panfletos, folletos de propaganda de diferentes ideoloxías, mostras (cadros, postais, libros), produto de viaxes dalgúns membros da familia a lugares referenciais da burguesía pacega.
Nos vindeiros días abrirase un espazo dentro da www.redemuseistica.com, na sección do Museo Pazo de Tor, coa información básica, incluída fotografía, sobre os obxectos previamente seleccionados que se propoñan para a discusión. Os participantes poderán remitir por mail (pazodetor@museolugo.org) ou enviar arquivos (texto, audio, vídeo ou foto) a través de WeeTransfer, que axuden a completar o discurso sobre o obxecto escollido, contribuíndo así a interpretalo desde unha pluralidade de puntos de vista, sempre con ánimo construtivo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
