Burela, 12 de maio de 2017. O alcalde de Burela, Alfredo Llano, volve reclamar a área sanitaria integral de xestión da Mariña e que o hospital recupere a súa autonomía. O rexedor burelés cualifica de “lavado de cara” o cambio de nome do centro e considera que debería contar con servizos totalmente públicos dotados de persoal e medios. Deste xeito se referiu á proposta do PP no Parlamento de Galicia para cambiar a denominación do Hospital da Costa.
Alfredo Llano declarou: “parece como si se quixera demostrar que o hospital é público cando realmente desde un tempo a esta parte o que se conseguiu foi privatizar moitos servizos que agora mesmo xa non son públicos, senón que están en mans privadas. É para sospeitar un pouco o do público porque nunca se puxo nese hospital onde se definira que era público”.
O rexedor lembrou que “levamos moito tempo reclamando a área integral propia da Mariña para recuperar a autonomía do Hospital de Burela. Se realmente querían facer algo importante, que chamara a atención e que estivéramos todo o mundo de acordo, había que recuperar esa área sanitaria propia da Mariña e que lle deran a autonomía que se merece un centro hospitalario con carácter de xeral máis que de comarcal. Entón si estaríamos contentos e satisfeitos de que ese hospital fose o que ten que ser”.
Para o alcalde burelés “poñerlle soamente o nome da Mariña, de todos os pobos da Mariña, me parece que é algo que queren destacar cando o importante é o fondo non a forma. Darlle carácter público e universal a todos os servizos que se prestan aí pero ao mesmo tempo ben dotado. Pero que sexa todo público e non parte privatizado e parte non”.
Alfredo Llano engadiu que “foi unha oportunidade na que tiñan que ter demostrado máis interese en facer un bo centro cuns servizos totais públicos, ben dotados, con persoal e cos servizos que agora mesmo se necesitan na comarca da Mariña onde somos moitos os usuarios. Aí podían ter a oportunidade de quedar ben, non soamente facerlle un lavado de cara e cambiarlle soamente o nome, e ademais coa sospeita de que teñen que poñerlle público cando se considera que iso xa é obvio, debera ser obvio”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
