Ferrol 21-5-17. Don Francisco, sacerdote republicano, natural de Vilanova de Lourenzá, falecido en febreiro do 1974, vai recibir unha homenaxe dos seus alumnos do Seminario Menor de Vilanova, da veciños do Concello de Lourenzá e outros moitos seus simpatizantes, o día 27 de maio, no seu pobo natal, organizado por Paco Conde Núñez e outros.
Estes alumnos fano en representación de centos deles que polos anos 1950-1960 tiveron de profesor a este sacerdote, a quen sempre lembraron con admiración pola súa bondade paternal con aqueles pícaros que tiñan que aguantar a dureza disciplinaria de outros profesores coa escaseza das normas pedagóxicas humanas; mais nunca sospeitaron que Don Francisco fora defensor da II República e consecuentemente vítima.
A Homenaxe vai consistir nunha ofrenda floral no cemiterio de Vilanova; nun acto cultural coa presentación do libro DON FRANCISCO RON SÁNCHEZ sacerdote republicano feito coa colaboración de Jesús Bouza Rey, Francisco Ramil Acebo, Xosé Manuel Carballo, e o que escribe, contando co deseño da portada de Antonio Rivas Pol, todos eles discípulos do homenaxeado; e nunha obra teatral A LOLA a cargo do grupo “Avelaiña Teatro” de Pontevedra.
Todo partiu dunha reportaxe de Isabel Bugallal no diario La Opinión de A Coruña onde aparecía a famosa fotografía de Josip Ciganovic de Don Francisco co seu amigo Ramón Ventoso. Esta nova recolleuna Jesús Bouza e mandouna aos amigos e alumnos que fóramos do noso profesor. Ao recibirmos a nova comeza con entusiasmo deste grupo, xubiloso e case todos xubilados, o proxecto de coñecer a historia polo miúdo deste sacerdote singular e admirábel persoa, ben recoñecida ademais da xente do Concello de Lourenzá.
Don Francisco ingresa no convento bieito de San Clodio de Ourense, alí estuda a carreira sacerdotal e ao pouco tempo decide pedir a exclaustración. Comparte a ilusión da chegada da II República como membro dunha familia republicana. Sufre a represión franquista, imputado co delito de rebelión.
Agochado cos tres irmáns, por medo ao terror na Galicia, durante máis de dou anos. Mais non queremos adiantar coñecementos do percorrer político e eclesiástico durante estes tempos de represión tan longos na “longa noite de pedra”.
A organización espera compartir cos amigos e veciños de Lourenzá este día feliz na lembranza dun cura tan singular sobre todo solidario cos republicanos que sufriron persecución.
Esta historia de Don Francisco e do pobo poderán coñecela polo miúdo no libro devandito, DON FRANCISCO RON SÁNCHEZ sacerdote republicano.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
