CERVO .- Por cuarto ano consecutivo a Unidade Pastoral de Cervo organiza un Festival de Nadal no que está prevista a participación de máis dun centenar de persoas. A cita terá lugar o vindeiro sábado 19 de decembro, a partir das 18.00 horas no pavillón da Comunidade de Montes de San Román de Vilastrofe.
Nenos dos grupos Catequeses e mozas de Confirmación das parroquias de Castelo, San Román, Lieiro, Sargadelos, Cervo e Rúa e o coro interparroquial ofrecerán diversas actuacións relacionadas co mundo do Nadal, data na que conmemoramos o nacemento de Xesús. Tras o festival haberá unha chocolatada con produtos procedentes do Comercio Xusto, xogos e dinámicas moi divertidas a cargo do Grupo Scout Evedro.
A parte solidaria deste festival recaerá nos grupos de mozos de Confirmación que, en colaboración coas Cáritas parroquiais, recadarán fondos para continuar co proxecto de escola de estimulación temperá “Mi Jardín Secreto”, en Mixco, Guatemala, e a exposición e venda de produtos téxtiles do taller de promoción da muller de San Antonio, en Japala, tamén en Guatemala.
ORGANIZA A UNIDADE PASTORAL
Cabe sinalar que este festival está organizado pola Unidade Pastoral de Cervo e polo tanto que xorde a iniciativa particular aínda que aberto a todo o público en xeral, familiares e amigos do máis de centenar de participantes. Por suposto a asistencia é totalmente gratuíta. Desde a organización agradecen a colaboración do Concello de Cervo e, moi especialmente da Comunidade de Montes de San Román de Vilastrofe e veciños desta parroquia pola súa xenerosidade e colaboración ao ceder o recinto no que se celebrará o festival. Habitualmente a Unidade Pastoral rota o lugar de celebración entre San Cibrao e o resto das parroquias do municipio de Cervo.
CHAMAMENTO Á PARTICIPACIÓN
A concelleira de Cultura fai un chamamento a todos os veciños para que gocen desta actividade e recorda que nas inmediacións do Centro Social “Antiga Escola de San Román” hai espazo de aparcadoiro de vehículos, ademais da zona contigua ao pavillón.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
