Barreiros, 25 de agosto de 2017. Deron comezo as obras do novo depósito de auga de San Caetano, en Barreiros. Estas obras xa foran adxudicadas hai un tempo pero empezaron hoxe tras contar con todas as autorizacións pertinentes. O investimento ascende a 1 millón de euros e o prazo de execución será de seis a sete meses, segundo anunciou esta mañá o alcalde.
Alfonso Fuente contou que “hoxe visitaba o inicio das obras do novo depósito cabeceira en San Caetano, en Celeiro de Mariñaos, que é o que dá servizo a toda a rede de augas. É unha obra que se ben xa fai meses foi adxudicada, non se iniciara dado que estábamos pendentes de autorizacións do Ministerio de Fomento, e polo tanto hoxe se daba inicio a eses traballos que van supoñer unha mellora importantísima na rede de abastecemento de auga”.
O rexedor dixo que “este verán houbo moitísimo consumo de auga, pero puidemos afrontalo sen ningún problema, sen cortes, pero con iso non podemos pensar que xa está todo solucionado, senón que hai que seguir mellorando e polo tanto imos aumentar ese depósito cabeceira, mellorar a depuradora e todo de cara aos vindeiros anos que se prevé un aumento importante de visitantes no noso concello”.
O alcalde de Barreiros sinalou que “as obras é posible que duren seis ou sete meses dado que é un investimento importante porque estamos a falar de preto de 1 millón de euros”.
Fuente Parga advirte que “nalgún momento pode haber cortes como xa pasaba hoxe que tocaron un tubo que abastece á zona de Cabarcos e A Rigueira, foi reparado en menos dunha hora, pero dado o calibre das obras nalgún momento, sobre todo dentro dun par de meses, xa iremos avisando dos cortes que poidan producirse sempre que se poida e non sexa unha rotura inesperada ou fortuíta”.
O rexedor engadiu que “se vai intentar facer a obra, tendo en conta que falamos de facer un novo depósito pegado ao depósito que dá servizo a toda a rede, e de facer unha nova depuradora que vai ubicada no mesmo sitio onde está a outra funcionando, nalgún momento pode haber algún día que haxa que facer eses axustes ou eses cambios que poidan supoñer algún problema no abastecemento”.
O alcalde de Barreiros lembrou que “estas obras son financiadas con cargo ao convenio asinado no seu día cos promotores”.
Comezaron as obras do novo depósito de auga de San Caetano, en Barreiros. Os traballos foron supervisados polo Alcalde. O investimento ascende a 1 millón de euros e o prazo de execución é de 6 a 7 meses
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
