Cervo, 31 de agosto de 2017. O Concello de Cervo clausurou hoxe unha nova edición do programa Enredos de verán que se desenvolveu ao longo dos meses de xullo e agosto, no que participaron máis de 100 nenos.
O alcalde de Cervo, Alfonso Villares, e a edil de Educación e Xuventude, Dolores García Caramés, acompañaron aos rapaces na Gran Festa Final que tivo lugar esta mañá na Casa do Mar.
Os nenos gozaron dunha xornada de diversión, con bailes, talleres de globoflexia, de maquillaxe, de chapas, decoraron bolsas de cartón coa técnica de scrapbooking, fixeron unha guerra de espadas, e recibiron un agasallo sorpresa, entre outras actividades.
Os Enredos desenvolvéronse ao longo de dous meses e estiveron dirixidos aos rapaces de entre 3 e 12 anos.
Caramés sinalou que “foi unha edición de récord, cunha gran participación e implicación por parte de todos os rapaces que se sumaron ao completo programa que deseñamos e no que tivemos, por exemplo, unha semana adicada á seguridade na que se instalou un circuíto de karts na propia Praza dos Campos, puideron recibir unha clase práctica de primeiros auxilios e ata subir a bordo do barco da Garda Civil. Houbo outra semana adicada á concienciación medio ambiental, e todo tipo de xogos e deportes acuáticos como o surf, o paddle surf, kaiaks, unha ginkana de auga, ademais de direrentes obradoiros e actividades ao aire libre”.
O rexedor pola súa banda suliñou que “con esta ampla e diversificada programación tentamos cumprir dous obxectivos, por unha banda facerlle aos nenos o verán máis atractivo e ameno cunha oferta lúdico-deportiva variada e completa; como cremos que así foi; ao tempo que lles brindamos ás familias unha ferramenta de conciliación nestes meses estivais. Ademais, -engadiu-, “as actividades serviron para favorecer as relacións persoais e fomentar a socialización dos nenos que compartiron o seu tempo de ocio con outro veciños e tamén visitantes que participaron no programa, facendo novas amizades”.
Coa clausura dos Enredos de Verán remata a axenda lúdico-deportiva que programou o Concello de Cervo e que se asentou fundamentalmente en catro piares: As Noites Alternativas (nas que participaron máis de 1000 persoas); Repasando en Verán, Xuventude no Verán, e os propios Enredos.
Un programa diverso, co que, tal e como apuntou Villares tentamos ofrecerlles aos mozos de todas as idades alternativas saudables e enriquecedoras para o seu verán.
O Concello de Cervo clausurou unha nova edición do programa “enredos de verán” no que participaron máis de 100 nenos
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
