Lugo, 12 de setembro de 2017. A Deputada de Economía, Mayra García Bermudez, a alcaldesa de Lourenzá, Rocio López García, o Concelleiro de Cultura, Manuel Arango Ron e o autor do cartel da festa, Ignacio Castro “Nachok”, presentaron este martes no Salón de Plenos da vila a XXVII Edición da Festa da Faba de Lourenzá, un produto de primeira categoría e que conta con IXP, que se celebrará dende o 29 de setembro ata o 1 de outubro. O Goberno da Deputación colabora con esta cita con preto de 5.000 euros.
García Bermudez avanzou que o Goberno da Deputación contribúe á promoción da faba de Lourenzá no marco do seu Plan Estratéxico de Turismo da provincia, que define a promoción dos produtos autóctonos dos Concellos lugueses, como un factor de singularidade turística, capaz de atraer visitantes e xerar riqueza na provincia.
A Deputada remarcou a importancia da celebración deste tipo de eventos na Comarca da Mariña Lucense, xa que contribúen de xeito decidido a incentivar ás nosas Comarcas e as nosas vilas. Ademais subliñou que a faba de Lourenzá conta co distintivo de IXP (Indicación Xeográfica Protexida), unha indicativo que da conta da súa calidade e do seu prestixio.
A rexedora convidou a todos os visitantes a achegarse a Lourenzá nestas datas e dar boa conta da calidade dos produtos gastronómicos da Mariña, e principalmente da faba Lourenzá. Tamén avanzou o programa no que destacou que a pregoeira desta edición será Gema Iglesias Recalde, a primeira presidenta do Consello Regulador da Faba de Lourenzá. Ademais os visitantes poderán desfrutar de degustacións de receitas con fabas nos establecementos da localidade, música, carreira popular, xogos infantís, tren turístico, unha xuntanza folclórica ou catas de viños.
Rocio López remarcou que todos os que se acheguen á vila nestas datas poderán coñecer tamén o Centro de Interpretación da Faba, que xestiona o Concello, que conta con todo o relacionado con esta legume que é un autentico manxar.
Un produto de primeira calidade con IXP
A faba de Lourenzá, conta con IXP (Indicación Xeográfica Protexida), está considerada entre as de maior calidade de todas cantas se producen na Península Ibérica. Esta legume conta cunha peculiaridade que é a de absorber o sabor como ningunha, ademais, unha vez cociñada, queda cremosa e suave como poucas. Son de gran tamaño, entre 19 e 26 mm., e cun peso entre 0,8 g. e 1,2 g. por unidade.
A semente, deste produto de primeira calidade, realizase entre os meses de maio e xuño, con semente certificada e a recolección realízase desde finais de agosto a finais de novembro, aínda que se poden atopar nos mercados durante todo o ano.
Programa
Venres, 29 setembro
18:30 Inauguración do Stand do Concello Invitado: Muxía (Sala de exposicións).
19:00 A compañía Teatro do Morcego representa a obra Presidente (Salón de actos).
20:30 Cata comentada de viño a cargo da adega Lar de Ricobao da D.O. Ribeira Sacra (Centro de Interpretación da Faba). Animarán as rúas a Charanga Aires do Padornelo
Sábado, 30 setembro
11:00 Apertura da XXVII Festa da Faba.
Casetas de fabeiros (Praza Conde Santo) Stand institucional invitado:
Concello de Muxía (Sala de exposicións).Demostración e exposición de artes
(Cantón, Praza César Chavarría e rúas da vila).
Feira exposición de automoción e vehículos agrícolas (Campo dos Bolos).
11:30 Pasarrúas con Gaita Escola Mondoñedo.
12:00 Pregón a cargo da laurentina Gema Iglesias Recalde, primeira presidenta do
Consello Regulador da Faba de Lourenzá (Praza Conde Santo).
Inauguración oficial da XXVII Festa da Faba pola Alcaldesa-Presidenta do
Concello de Lourenzá, Rocío López García (Praza Conde Santo).
13:30 Degustación popular da faba de Lourenzá (Praza Linares Rivas).
Viños da adega Lar de Ricobao de Quiroga (D.O. Ribeira Sacra).
Ameniza Gaita Escola Mondoñedo.
17:00 Actividades e xogos infantís.
21:00 Concerto do grupo folk Treixadura (Campo dos Bolos).
Verbena co grupo Lembranza (Cantón).
Domingo, 1 de outubro
08:30 Apertura do mercado das fabas de venda ao por maior (Mercado Comarcal).
10:00 Apertura das casetas dos fabeiros (Praza Conde Santo).
10:00 VIII Carreira popular Val da fabas (Cantón).
10:00 Carreira menores.
11:00 Carreira adultos.
11:00 III Vespafaba & Clásicos (Fernández del Riego).
11:00 Trofeo Festa da Faba fútbol cadete: Excavacións Ramsei (Lourenzá) – Polvorín
(Lugo), no Campo de Santa Cruz.
11:00 Inicio das distintas actividades da Festa da Faba.
13:00 Sesión Vermú : Charanga Santa Compaña.
13:30 Degustación popular da faba de Lourenzá (Praza Linares Rivas).
17:00 Pasarrúas a cargo da Charanga Santa Compaña.
17:30 Trofeo Festa da Faba de Fútbol ; Augacons (Lourenzá) – Folgueiro (Vicedo).
18:30 Xuntanza folclórica organizada pola Asociación Cultural Osorio Gutiérrez
coa participación da Banda de Gaitas Marino-Tapiega de Tapia de Casariego
(Prazas Conde Santo e Linares Rivas).
Durante estes días de festa un Tren turístico levará aos veciños e visitantes a visitar a Ruta das Fabas. Ademais os establecementos hostaleiros de Lourenzá ofrecerán tapas de fabas durante os días da Festa.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
