Burela 28-9-17. O Pescados Rubén Burela FS selou onte o pase a semifinais da XXVII Copa Galicia coa vitoria ante o Valdetires Ferrol FSF (2-6), na segunda e última cita da fase de grupos. Xunto a Pescados Rubén, tamén están clasificados Cidade das Burgas, no Grupo 2, e Poio Pescamar, no 4. As semifinais deberán disputarse entre o 21 de xaneiro e o 28 de febreiro.
Tras a dianteira das ferrolás (minuto 6), as da Mariña apostaron por xogo de cinco para apropiarse do electrónico. Tai igualou antes de chegar á medianía da primeira parte, con ampliación de Judith (minuto 16) e Dany (minuto 17) e boas intervencións de Ana Romero baixo paus. Os goles laranxas volveron facer acto de presenza repetindo protagonistas, nas zapatillas de Judith no 33, Dany no 34 e Tai no 37, para o 1-6 que maquillou Sheila co definitivo 2-6, a falta de 1’53” para o final.
Na súa segunda tempada de burelista, para Ana Romero esta é a súa primeira experiencia en Copa Galicia. “É un gran mérito do equipo o pase a semifinais e hai que seguir pelexando para alzar o título, que é o obxectivo que temos todos” aseguraba a 12 laranxa, formando parte do quinteto inicial ante o Valdetires: “Ao principio saín un poco nerviosa, pero tiven sensacións positivas tanto individualmente como en equipo. Un partido nunca é como empeza, é como acaba. Soubemos dar a volta axiña, que é o importante”, explicaba a meta murciana, coincidindo con Julio Delgado, que incidiu na solvencia do Pescados Rubén nesta fase inicial: “Sabiamos que eramos superiores a Valdetires e tiñamos que demostralo na pista. Así foi. Estivemos atentos para sacar a fase de grupo o mellor posible”, valoraba o técnico, lamentando a expulsión con vermella de Jozi, na segunda parte, coa que non poderán contar para a seguinte rolda.
Grupo 1-Clasificado Pescados Rubén
Pescados Rubén Burela FS 7-2 Viaxes Amarelle
Viaxes Amarelle 4-1 Valdetires
Valdetires 2-6 Pescados Rubén Burela FS
Grupo 2-Clasificado Cidade das Burgas
Cidade das Burgas 4-0 Fisober
O Pirata O Fisgón 1-1 Cidade das Burgas
Fisober 1-4 O Pirata O Fisgón
Grupo 3-Pendente
A Fervenza 0-8 Ourense Envialia B
Cidade de Pontevedra 2-2 A Fervenza
Ourense Envialia B – Cidade de Pontevedra
Grupo 4-Clasificado Poio Pescamar
Bembrive 2-8 Poio Pescamar
Leis Pontevedra 9-1 Bembrive 1
Poio Pescamar 4-0 Leis Pontevedra
Ficha técnica
Valdetires Ferrol FSF: Anabel, Andrea, Alba, Erika, Paula, cinco inicial; tamén xogaron Sheila, Diana, Isabel, Marta, Marián
Pescados Rubén Burela FS: Ana Romero, Dany, Cilene, Lara, Judith, cinco inicial; también jugaron Sara Correia, Bea Mateos, Tai, Julia, Jozi
Goles: 1-0, minuto 6, Diana; 1-1, minuto 9, Tai; 1-2, minuto 16, Judith; 1-3, minuto 17, Dany; 1-4, minuto 33, Judith; 1-5, minuto 35, Dany; 1-6, minuto 36, Tai; 2-6, minuto 39, Sheila
Tarxetas: Vermella a Jozi (minuto 37)
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
