Burela, 19 de outubro de 2017. O presidente da Mancomunidade de Municipios da Mariña, Alfredo Llano, asegura que os exames para a obtención do carné de conducir, tanto os teóricos como os prácticos, seguirán realizándose na Mariña. Llano entrevistouse esta mañá coa xefa provincial de Tráfico, Paula Yubero. O presidente da Mancomunidade solicitará ante os organismos competentes a creación dunha xefatura local de Tráfico na Mariña.
Alfredo Llano cualificou a xuntanza coa xefa provincial de Tráfico como “moi cordial, estivemos falando de moitas cousas, pero a miña intención como presidente da Mancomunidade representando un pouco o sentir de toda a comarca con respecto aos exames para a obtención do carné de conducir, foi defender o dereito que teñen todas as persoas que están na Mariña a que sigan facéndose aquí os exames con todas as garantías de futuro”.
O presidente da Mancomunidade dixo que “en principio iso vai seguir funcionando, non hai porqué perder o dereito de examinarse na comarca, de momento se está facendo en Foz tanto o teórico como o práctico e espero que se sigan facendo aí, e non hai nada que contradiga iso”. Llano admitiu que “houbo no seu momento houbo unha idea de centralizar os exames teóricos en Lugo, pero iso foi unha decisión que foi para atrás”.
Alfredo Llano explicou que “no contexto de folga que está habendo é certo que agora é moi difícil normalizar a situación, e evidentemente mentres dure a folga os exames van seguir retrasándose un pouco e vai haber menos, pero todo derivado do contexto de folga que está habendo”.
O presidente da Mancomunidade de Municipios da Mariña reiterou que “nosoutros imos facer unha petición formal desde a Mancomunidade á Xefatura Estatal de Tráfico para que nos teña en conta esta petición. É certo que non hai moitas xefaturas locais en Galicia, pero eu sempre defendo que A Mariña é unha cidade lineal onde estamos 85.000 persoas, e debemos ter os mesmos dereitos e as mesmas oportunidades que calquera outra cidade, ademais que estamos a hora e cuarto de Lugo, como mínimo”.
Alfredo Llano manifestou que “houbo un entendemento total coa xefa provincial que vai informar do que pretendemos, e nosoutros imos defender os dereitos dos nosos veciños da comarca da Mariña. Imos agardar a ver qué sucede, pero imos estar atentos para que non perdamos servizos e sigamos gañando oportunidades para que a xente poida facer como se estivera vivindo na cidade”.
A mancomunidade solicitará diante dos organismos competentes a creación dunha xefatura local de tráfico na Mariña. Alfredo Llano reuníuse en Lugo con Paula Yubero
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
