Ribadeo, 21 de novembro de 2017. Hoxe déronse a coñecer as actividades que se van desenvolver o vindeiro venres, 24 de novembro, dentro da campaña #RibadeoenNegro contra a violencia de xénero. A concelleira de Igualdade, Mari Luz Álvarez Lastra, explicou que os actos comezarán ás 12 do mediodía no Cantón (aínda que en caso de choiva poderían trasladarse ao pavillón vello) e neles participarán os centros educativos de Ribadeo, Acisa e todas as entidades que se adheriron a esta campaña. Haberá lecturas de mensaxes a título particular así como dun manifesto conxunto e o comité lila do IES de Ribadeo interpretará un tema de reggaeton “sumamente machista” ao que lle deron a volta para visibilizar esta problemática. Álvarez Lastra fai unha chamada á participación nesta actividade, que se presentou no miradoiro da área recreativa da Illa Pancha.
A edil nacionalista embrou que “poñemos en marcha a campaña #RibadeoenNeegro como viñemos facendo o ano pasado. O ano pasado xurdiu esta iniciativa no Concello de Santiago de Compostela. Éramos 17 Concellos, nós fomos os primeiros da provincia de Lugo que nos uníamos a esta campaña que nos parecía que tiña unha gran capacidade de sensibilización da cidadanía en xeral. Consideramos que a violencia de xénero, a violencia machista, é unha cuestión de todos e cada un de nós. Pódenos pasar a nós como mulleres, ás nosas nais, ás nosas fillas, á nosa veciña, polo tanto é unha cuestión que depende de todos e cada un dos nós. Parécenos moi interesante”.
Mari Luz Álvarez indicou que “nos parece unha campaña que ademais de sensibilizar, visibilizaba. Nós pensamos que as mulleres que morren cada día non poden ser un número máis no xornal, nos medios de comunicación, detrás delas hai familias, hai menores, e desde logo hai vidas que se desfán. Son atentados, son feminicidios, e como tales temos que visibilizalos. Para darlles ese apoio, arroupar a todas esas familias, a todas esas persoas que están sufrindo esta lacra”. E seguiu a contar que “esa implicación que como cidadáns temos que facer ver ás institucións e aos gobernos que si hai saída, que si que temos que ter un pacto de estado con respecto a esta cuestión, e que como cidadáns responsables todos e cada un de nós temos que aportar o noso grao de area”.
A concelleira de Igualdade salientou que “o éxito da campaña foi de tal calibre que se o ano pasado éramos 17 concellos, este ano somos 73 con 3 Deputacións. No noso concello estamos moi orgullosos posto que pasamos de arredor de 85 establecementos ou entidades que se sumaron a esta iniciativa, e neste 2018 xa estamos roldando 115 a día de hoxe”.
Álvarez Lastra detallou que “a campaña comeza o día 23. Non é tarde para que aquelas persoas que dubidasen ou non se enterrasen se poidan sumar a elas. Temos que tinguir Ribadeo de negro, e facemos un chamamento a toda a cidadanía individual e particularmente a que poñan non seus balcóns, nas súas casas, algún rasgo negro, unha tea, un xersei, calquera cousa en torno a estas datas, e que acudan aos actos reivindicativos que imos facer o día 24, ás doce da mañá, no Cantón dos Morenos se o tempo o permite, e senón trasladarémonos ao pavillón municipal vello. A violencia de xénero é unha lacra social moi importante, moi relevante, e polo tanto que esteamos unidos todos é fundamental”.
A edil ribadense quixo “dar as grazas, como sempre, a todas as entidades que colaboran con nós, desde a Mesa institucional de Violencia de Xénero, ao Consello Municipal das Mulleres, e como non a todos os centros educativos do noso concello sen distinción algunha que se suman sempre a todas cantas campañas de sensibilización, de visibilización, e que están apoiando e que van participar activamente o día 24 para que todo o mundo vexa o que se traballa tamén desde o ensino. Consideramos que a educación é a base fundamental para erradicar, para poder convivir en igualdade e desde logo para facer unha boa coeducación que é algo que reivindicamos e que deberá estar nas materias dos centros educativos”.
Mari Luz Álvarez engadiu que “o acto do 24 vai ser ás doce da mañá, e vai haber distintas participacións dos centros educativos que van facer distintos actos. Vai haber participacións de xente particular que fixo algún escrito e que quere participar neste acto. Vaise ler un manifesto conxunto, que se vai facer en todos os concellos de Galicia que participamos na campaña En negro. Tamén o Comité Lila do IES de Ribadeo deulle a volta a unha canción de reggaeton sumamente machista, cambioulle a letra, e están pasándoa ao resto dos centros educativos, e polo tanto van visibilizar esa actividade tamén. Ademais dunha pirámide que eles tamén idearon relacionada coa violencia de xénero para que a cidadanía vexa o escalafón desa violencia”.
A concelleira subliñou que “son unha serie de actos moi participativos e moi abertos. Fago un chamamento tamén a todas aquelas persoas que a título individual, particular ou como entidades queiran participar. Están a tempo, poden facelo, e desde logo do que se trata é de que nos impliquemos a maior parte de xente. Dar as grazas a todas as entidades, asociacións, clubs deportivos, á Escola de Música, como non podía ser doutra maneira, que van ter unha participación activa ese día. Tamén ao programa que desenvolvemos no rural Aquí como de 20, que foron os primeiros colectivos que fixeron actividades, que están colgados na rede, que se implicaron e que van participar tamén ese día nesa celebración”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
