Ribadeo, 27 de novembro de 2017. A Banda Municipal de Ribadeo homenaxeou por sorpresa ao seu músico de maior idade, o saxo barítono José Ramón Fernández López, coñecido como Monchín. Foi durante o concerto para festexar Santa Cilla, que se celebrou este pasado sábado no Cine Teatro ribadense. Ademais nesta actuación debutou coa Banda de Ribadeo Manuel Pozo Cota.
Antes de empezar o concerto houbo unha intervención a cargo da clarinetista da Banda Carolina Yanes: “non queremos comezar a falar deste concerto se antes facer referencia ao día no que hoxe estamos, 25 de novembro, Día Internacional da Eliminación da Violencia contra a Muller. Dende a Banda Municipal de Música de Ribadeo queremos amosar a nosa condena a calquera tipo de violencia que sofren moitas mulleres. O noso apoio máis sincero a todas a vítimas e esperemos non ter que falar nunca máis desta lacra, que non se concibe xa no século XXI”.
Carolina Yanes tamén salientou “o especial deste concerto de Santa Cilla, por ser a nosa patrona e por este ano, 2017, o 25 aniversario da nosa Banda. Xa van 25 anos de música dende aquel 25 de xaneiro de 1992. Durante todo este tempo moitos concertos, moita xente foi a que pasou pola formación e moitos deles participaron no concerto que se realizou o 19 de agosto no Auditorio de Cabanela. Agradecemos a todos os que participaron de calquera maneira na celebración deste feito tan importante para a nosa agrupación, así como aos que non puideron por diferentes motivos. Tamén queremos recordar a membros que non puideron desfrutar desta celebración, xa que desgraciadamente non se atopan entre nós, pero que contribuíron coma todos a chegar ata aquí: Hernán Naval Parapar (primeiro director da Banda), Almudena Pulpeiro Peña (trompa), Rubén Fernández Fernández (clarinete) e Dietter Hinz (clarinete)”.
O concerto da Banda ribadense dividiuse en dúas partes. Na primeira interpretou Concerto para Oboe, de Alessandro Marcello, con Isaac Pazos Pérez como solista; e Baghira (sonatina para saxo alto e banda), de Ferrer Ferrán, con Nicolau Pazos Pérez como solista. A segunda parte estivo dedicada aos pasodobres e a Banda de Ribadeo tocou por primeira vez Música y Vinos, de Miguel Morales; Don Pajarita, de Ferrer Ferrán , e Consuelo Císcar, tamén de Ferrer Ferrán. Ademais interpretou De Granada a Daimiel, de Luis C. Martín; Tercio de Quites, de Rafael Taléns, e rematou o concerto co pasodobre galego Lugo-Ferrol, de Gregorio Baudot.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
