Burela, 6 de decembro de 2017. Este xoves, día 7, ás 20:30 horas terá lugar o acendido da árbore de Nadal na praza do Concello de Burela. O alcalde, Alfredo Llano, invita a veciños e comerciantes a participar neste acto.
O rexedor burelés dixo que “xa é tradicional acender unha árbore de Nadal aquí en Burela na praza do Concello. Levamos facéndoo todos estes anos. Foi algo que puxo en marcha a asociación de comerciantes de Burela e incluso costearon a montaxe da árbore. É algo singular que dá dinamismo e o pistoletazo de saída ao Nadal. Xa leva tres ou catro anos poñéndose esta árbore”.
Alfredo Llano declarou que “este ano a Acia está agardando a facer un relevo na súa xestión, a ver se aparece unha nova directiva o antes posible. E nosoutros como vimos colaborando desde sempre coa Acia e queremos seguir facéndoo, tomamos este ano un pouco a iniciativa de acender a árbore o xoves, día 7, ás oito e media da tarde”.
O alcalde burelés convida “a todos os veciños que queiran achegarse á praza, e tamén a todos os comerciantes e industriais de Burela que tamén queiran achegarse a este acto que faremos mañá. É unha árbore que é deles e polo tanto queremos que compartan con nós este acendido deste ano 2017”.
O rexedor asegurou que “imos facer de Burela un sitio atractivo no Nadal, imos poñer unhas luces que sexan bonitas e queden ben no pobo. Imos colocalas a partir da semana que ven, eu creo que o 15 ou 16, o venres ou sábado, xa se poden iluminar todas as luces que se poñan este ano”.
Llano engadiu que “imos procurar entre todos motivar que sexa un Nadal bonito, un Nadal para lembrar. Imos procurar disfrutar de todo canto se faga, e desde logo procurar tamén que todos os comerciantes, hostaleiros e industriais de Burela dalgún xeito colaboren e fagan as súas apostas individuais para que sexa todo isto no seu conxunto un atractivo formidable e que dentro da Mariña sexamos tamén un bo referente”.
O alcalde insistiu en que “o xoves, día 7, ás oito e media da tarde imos acender a árbore de Nadal que sufragou a Acia e para eles vai dedicado e para todo o pobo de Burela, polo tanto quedan todos invitados”.
ÚLTIMA HORA
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
- A Deputación sitúa a provincia como referente en biodiversidade na apertura dun foro internacional sobre turbeiras
- Villaverde inaugura o proxecto educativo `Movemento Azul` que conecta a mocidade galega co mar
- O BNG reclama a modernización urxente da liña de largo métrico Ferrol-Ribadeo e a transferencia a Galicia
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local. - O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - A XXXIX Travesía Internacional Costa Naviega celebrarase o 14 de xuño, cun percorrido sinalizado de 20 km entre Barayo e Navia pasando por Puerto de Vega e Frexulfe
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital