Lugo, 9 de decembro de 2017.- A directora da Axencia Galega de Innovación (Gain), Patricia Argerey, visitou a empresa lucense Comenza, no polígono industrial do Ceao en Lugo. Esta peme, creada no ano 2004 e especializada no deseño e desenvolvemento de sistemas de varandas de vidro e aceiro inoxidable para todo tipo de edificacións, vén de recibir unha axuda da Consellería de Economía, Emprego e Industria no marco da convocatoria Innova Peme para o desenvolvemento do seu plan de innovación. Así mesmo, conta co apoio de GAIN para a contratación dun técnico dedicado a tarefas de I+D+i a través do programa Principia 2017.
A través da liña de axudas Innova Peme, orientada a mellorar a capacidade innovadora de pemes e micropemes galegas, Comenza valorizará os seus produtos e servizos innovadores, que xa son un referente a nivel internacional pola combinación de deseño, seguridade e facilidade de instalación; avaliar a viabilidade de novos produtos, como unha nova liña en madeira, material non usado neste sector pero con gran potencial polas súas características técnicas e estéticas; e mellorar os seus procesos a través da incorporación de tecnoloxías facilitadoras, como a Building Information Modelling (BIM), metodoloxía que centraliza toda a información do proxecto arquitectónico nun modelo de información dixital creado por todos os seus axentes, ou a Business Inteligence (BI), conxunto de estratexias que permiten transformar os datos existentes nunha empresa en información útil para a toma de decisións.
Para executar este plan de innovación, orzamentado en preto de 250.000 euros, contan cunha axuda da Xunta do 50% e a colaboración da Plataforma de Enxeñaría da Madeira Estrutural (PEMADE) da Universidade de Santiago de Compostela. Ademais de Comenza, outras 48 empresas entre micropemes e pemes galegas resultaron beneficiarias desta convocatoria que ofrece a posibilidade de sistematizar, potenciar ou optimizar a súa actividade innovadora a través do lanzamento de novos produtos e servizos, a súa internacionalización ou a mellora dos procesos.
Entre os resultados desta convocatoria, que vén de adxudicar 4,7 millóns de euros, destaca que o 45% das empresas beneficiarias son pequenas, o 33% son micropemes e o 22% restante son medianas. Ademais, o 90% dos beneficiarios colaborarán con algún organismo de investigación público ou privado de Galicia; e máis da metade das beneficiarias non tiñan recibido anteriormente unha axuda de GAIN.
Pola súa banda, a través da segunda convocatoria do programa Principia, apoiouse a contratación de 210 mozas e mozos investigadores en empresas e centros de investigación galegos durante un período mínimo dun ano, co fin de favorecer a súa carreira profesional, así como estimular a demanda no sector público e privado de persoal suficientemente preparado para acometer proxectos vinculados á I+D+i. Comenza recibiu apoio para a contratación dun técnicos de I+D+i a través desta liña de axudas que, en total, nas dúas edicións, permitiu a inserción laboral de preto de 300 investigadores e mobilizou 8,3 millóns de euros.
Comenza está presente, segundo datos facilitados pola propia empresa, en proxectos arquitectónicos en máis de 25 países como o metro de Panamá, o centro comercial Terramall en Costa Rica, o residencial Torres Manquehue en Chile, o residencial de luxo
L´Arbre Blanc en Montpellier ou os hoteis de cinco estrelas ME en Ibiza e Mallorca. Actualmente, atópase inmersa nun proceso de investimento, crecemento e transformación co obxectivo de certificarse conforme aos códigos de edificación de Reino Unido e Francia, aumentar a súa presenza comercial no mercado latinoamericano, do Norte de África e Oriente Medio e facilitar dentro dun entorno dixital a prescrición dos seus sistemas aos estudos de arquitectura de calquera parte do mundo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
