Foz, 24 de xaneiro de 2018. A empresa Canguro Express acaba de abrir as súas portas en Foz, concretamente nas galerías comerciais Naray, que están na Avenida da Mariña, número 27, e na web www.canguroexpress.es. Trátase dun buscador de emprego para o fogar, que ofrece os servizos de coidado de nenos e maiores, limpeza e tarefas do fogar e coidado de mascotas.
O propietario e xerente desta empresa, Daniel Villarino Pena, di que “Canguro Express é unha axencia de traballo temporal especializada no fogar”.
Daniel Villarino detalla que “ten catro categorías: coidado de nenos, coidado de persoas adultas dependentes, tarefas do fogar e mascotas”.
O responsable de Canguro Express explica que “basicamente o que facemos é enlazar xente que quere traballar nese sector con aqueles fogares que necesitan os seus servizos. Facemos unha selección dos mellores candidatos en base á experiencia, ás recomendacións e á formación e a partires de aí adaptamos os fogares que necesitan eses servizos de forma personalizada”.
Villarino Pena engade: “nós escoitamos as demandas de servizos e a partires de aí buscámoslle unha solución para ambas partes. Na páxina web xa levamos algún tempo funcionando; de feito xa hai xente que atopou traballo e a verdade é que estamos moi contentos porque é un paso adiante e unha confirmación de que somos unha empresa útil para a sociedade, que é o noso obxectivo: crear traballo e sobre todo satisfacer necesidades e resolver problemas”.
Daniel Villarino comenta tamén: “estamos na Avenida da Mariña, número 27, nas galerías comerciais. Temos dous teléfonos de contacto, o fixo é 982.13.07.63 e o móbil 648.16.79.54. Pero a mellor opción é visitar o local porque deste xeito podemos ofrecer un trato moito máis personalizado. Pero tamén na web www.canguroexpress.es os interesados poden crear un perfil; é moi sinxelo, de feito está guiado”.
O xerente de Canguro Express salienta que “ofrecemos unha cousa que é moi interesante, un servizo urxente para eses catro sectores: coidado de nenos, coidado de persoas maiores, tarefas de fogar e coidado de mascotas. Se se precisa de forma urxente e puntual en menos dunha hora poñemos unha persoa no seu fogar. Un exemplo práctico pode ser unha parella nova á que lle veñen uns amigos de Madrid que non sabían que chegaban, convídaos a cear e teñen un neno pequeno que non teñen con quen deixalo; chamarían a esta empresa, Canguro Express, e en menos dunha hora terían un profesional á súa disposición no seu fogar que cumpriría as demandas dos pais para coidar a ese neno”.
Esta empresa focense xurdiu dun curso de formación para emprendedores organizado en Mondoñedo pola Xunta de Galicia, a través da EOI.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
