Lugo, 21 de febreiro de 2018. O Deputado de Medio Ambiente, Argelio Fernández Queipo, mantivo un encontro este mércores cos alumnos e profesorado do CEIP de Riotorto, vencedores dos premios do Programa de Fenoloxía 2017 da Rede Española de Reservas da Biosfera (RERB), sendo o centro de ensino que notificou un maior número de variacións nos fenómenos biolóxicos de ritmo periódico, como o florecemento ou a migración de aves, ao longo do pasado ano, como consecuencia dos cambios no clima.
Fernández Queipo entregou unha selección de 25 libros do Catálogo de Publicacións do Organismo Autónomo de Parques Nacionais (OAPN) que pasarán a formar parte da biblioteca do centro, como recoñecemento a súa labor de investigación e avaliación dos efectos do cambio climático na Reserva da Biosfera Terras do Miño.
O Deputado de Medio Ambiente subliñou que “é fundamental o traballo conxunto de toda a sociedade para preservar a riqueza natural da que dispoñemos na provincia de Lugo, pois o 55% do noso territorio está catalogado como Reserva da Biosfera pola Unesco. Neste senso, é de recoñecer a labor de investigación dos alumnos de sexto de primaria do CEIP de Riotorto, que o pasado ano participaron no Programa Nacional de Fenoloxía con éxito, acadando o primeiro premio”.
En total, rexistráronse datos de 20 colexios e institutos referentes a 8 reservas da biosfera: Conca Alta do Río Manzanares; Gran Canaria; A Palma; Mariñas Coruñesas; Grazalema, os Ancares Lucenses e Montes de Cervantes, Navia e Becerreá; Terras do Miño; e Serra do Recuncho. Foron 277 os datos fenolóxicos rexistrados na aplicación do Programa. CEIP Riotorto contribuíu con máis do 25 % dos rexistros de centros educativos a nivel nacional seguido de CEO Tunte (RB Gran Canaria) cun 18 % dos rexistros.
O Programa de seguimento fenolóxico da Rede Española de Reservas da Biosfera consiste en realizar un seguimento continuado de especies comúns de fauna e flora nas reservas da biosfera, co fin de analizar cambios a longo prazo (adiantos ou atrasos) das datas nas que teñen lugar os diferentes feitos biolóxicos que caracterizan ás especies estudadas: migracións, floracións, reprodución, etcétera.
O obxectivo do Programa é avaliar, a través de estudos fenolóxicos, os efectos do cambio climático na Rede Española de Reservas da Biosfera, involucrando no seu desenvolvemento aos diferentes sectores da sociedade representados nestes espazos: xestores, profesionais, profesores, escolares, agricultores, gandeiros e público en xeral. Con iso fomentarase a sensibilización da sociedade cara á reserva da biosfera e fomentarase a súa participación en proxectos comúns.
3 Reservas da Biosfera declaradas pola UNESCO
Lugo conta con tres Reservas da Biosfera como son As Terras do Miño; Os Ancares Lucenses e Montes de Cervantes, Navia e Becerreá; e a do Río Eo, Oscos e Terras de Burón. A Reserva da Biosfera Terras do Miño foi a primeira declarada en Galicia pola Unesco, en novembro de 2002. Ocupa unha extensión de 363.669 hectáreas, o que a converte na segunda máis extensa de todas as declaradas na Península Ibérica, ocupando un 39% por cento da provincia de Lugo.
Pola súa parte, a Reserva da Biosfera de Os Ancares Lucenses e Montes de Cervantes, Navia e Becerreá foi declarada en outubro do ano 2006 e ocupa unha superficie de 53.664 ha, incluíndo territorios de tres municipios: Cervantes, Navia de Suarna e Becerreá, o que supón o 5% da provincia de Lugo. Finalmente, a Reserva da Biosfera do Río Eo, Oscos e Terras de Burón foi declarada en xuño do ano 2007, sendo a máis recente e contando con unha superficie de 159.379 ha, o que supón un 11% da superficie da provincia de Lugo. Esta superficie afecta a sete municipios; Ribadeo, Trabada, A Pontenova, Ribeira de Piquín, Baleira, A Fonsagrada e Negueira de Muñiz.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
