Lugo, 27 de febreiro de 2018.- O Grupo Provincial do Partido Popular votou esta mañá a favor das bases reguladoras do Plan Único de Cooperación con todos os concellos da provincia de Lugo. En concreto, a voceira dos populares, Elena Candia, pon en valor a aprobación do Plan Único do 2018, do que asegura que “vén para quedarse”, independentemente de quen goberne na institución provincial, e do que tamén precisa que naceu froito dun Goberno en minoría na Deputación de Lugo que “se veu obrigado a escoitar e a abandonar o sectarismo político que tiña instaurado o PSOE na administración lucense”.
Elena Candia explicou que os populares séntense parte desta iniciativa e desta nova forma de traballar que se está a dar na Deputación de Lugo xa que o PSOE “viuse obrigado a rectificar ao ter un Goberno minoría, o que implicou a constitución dunha institución provincial diferente, na que tivo un papel moi importante o esforzo, o traballo e a implicación dos funcionarios”. A popular defendeu que o “Goberno ten que ter o seu proxecto de provincia e os seus fondos para levalo a cabo, xa que todo executivo en minoría está lexitimado, pero está claro que a análise permítenos comprobar que de ter a maioría suficiente seguirían a comportarse tal e como o estaban a facer, dándolle prioridade só a uns Concellos”.
Bases do Plan Único
Dun xeito máis preciso, Elena Candia ao analizar as bases do Plan Único agradeceu a incorporación de novidades como é a posibilidade que teñen os concellos de destinar ata o 30% a turismo, actividades culturais e eventos deportivos, o que considera como unha forma de respecto ao principio de autonomía local xa que no pasado Plan Único había unha limitación maior á hora de achegar fondos a estas finalidades. A voceira tamén puxo en valor a oportunidade de destinar fondos para a administración electrónica e preguntouse polos preto de 25 millóns de euros do Innovate que a Deputación de Lugo destinou a esta finalidade sen acadar os obxectivos previstos. De igual maneira, a popular, mentres que aplaudiu estes cambios, tamén fixo fincapé na crítica que os concellos amosaron sobre a redución da posibilidade de solicitar un anticipo da axuda, que pasou do 80 ao 50%.
Un Plan solicitado polo Grupo Popular
Elena Candia xustificou o voto favorable ao Plan Único tamén en que o Grupo Provincial do Partido Popular solicitou ata en 17 ocasións dende o ano 2011 a aprobación dun plan de colaboración con todos os concellos da provincia co que se puxese fin á discriminación partidista imperante na Deputación lucense. Do mesmo xeito, a voceira tamén lembrou que cando tiveron responsabilidades de Goberno no ano 2015, aprobaron un plan de reequilibrio para paliar as discriminacións existentes ata daquela.
Traballo do Goberno galego
A presidenta provincial tamén puxo en valor que esta forma de traballar en colaboración con todos os concellos da provincia instaurouse no Goberno da Xunta de Galicia con Alberto Núñez Feijóo e fixo referencia ao Plan de Cooperación Local, que pon en marcha a Xunta de Galicia, sendo só tres as comunidades nacionais que o fan, por importe de 119 millóns de euros, guiándose por uns criterios claramente obxectivos e respectuosos co principio de autonomía local.
A popular non entende que un alcalde chegue a menosprezar este Plan da Xunta de Galicia, como fixo o alcalde da Fonsagrada na súa intervención, ademais de que non acepta a critica que os socialistas achacan ao Goberno autonomía en materia de servizos sociais, cando a Deputación de Lugo foi a única administración galega que desoíu durante anos o decreto de servizos sociais que a obrigaba a colaborar co servizo de axuda no fogar.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
