Cervo, 9 de marzo de 2018.- O Concello de Cervo vén de retirar a palmeira que estaba ubicada por detrás da Casa do Mar, á beira do patio da Escola Infantil Municipal, como medida de prevención; porque nos últimos tempos algunhas sementes que se desprendían caían caro ao interior; “e precisamente por motivos de seguridade, para evitar riscos de atragantamento, decidimos levar a cabo esa actuación”.
Así o explicou o rexedor, Alfonso Villares, quen puntualizou que non nos quixemos desfacer en ningún caso da árbore, que tiña máis de 15 anos, e, por este motivo, baixo asesoramento profesional, foi trasplantada á zona do paseo da Praia do Torno.
O alcalde estivo supervisando o resultado dos traballos, acompañado da edil de Medio Ambiente, Manuela Méndez, e recordou que na zona da Veiga “tamén vimos de plantar cinco palmeiras de abanico dentro do plan integral de xardinería que estamos a levar a cabo desde o Concello de Cervo”.
O técnicos recomendaron asentar nestas zonas este tipo de árbores “xa que se aclimatan moi ben á primeira liña de costa, porque resisten perfectamente en ambientes de alta salinidade como é o caso de San Ciprián, que está rodeado polo mar; ao tempo que se adaptan a todo tipo de solo, máis o menos areoso; e o seu mantemento é moito menos custoso”.
Villares recordou que a aposta do Concello polas especies autóctonas é evidente xa que tamén estamos a levar a cabo un proxecto integral de reforestación de todos os montes de titularidade municipal con árbores do país.
O Concello de Cervo retirou a palmeira que estaba á beira do patio da escola infantil como medida de prevención
Relacionado
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
-
Últimos días para inscribirse no curso de verán sobre emprendemento turístico na Mariña que se celebrará en Barreiros
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
