Burela 17-3-18. Os tres puntos do duelo irmandiño de Vista Alegre quedaron esta tarde na casa cun Pescados Rubén Burela FS que tivo que sufrir ata a final fronte ao tocado Cidade das Burgas (4-3). As pupilas de Julio Delgado e Lucas viviron un tira e afrouxa no luminoso; apostaron por xogo de cinco desde o 1-1, na primeira parte, e non puideron romper o partido ata os minutos 35-36, cando Cilene e Tai puxeron o 4-2.
O Cidade, cunha defensa pechada, conseguiu frear a incansable avalancha das mariñás, ás que tamén lles faltou precisión nos metros finais. Tai foi a primeira ao 1’15” do inicio, co pé de Iria como obstáculo. Intentárono tamén Cilene (minuto 3) de lonxe, de novo Tai nun rexeite (minuto 4), Jenny (minuto 5) e Cris. A primeira ocasión para as ourensás protagonizouna Clara no minuto 9 cun roubo de balón que acabou sen complicacións nas mans de Ana Romero. Entón chegou o momento do Pescados Rubén; Jenny estreouse en Vista Alegre ao grande, abrindo o marcador no minuto 12, finalizando fronte a Iria un esférico de Cilene que coou entre as pernas de María Arias. Pouco despois un balón morto de Dany na área verde non atopou rematadora. O Cidade topouse co empate en xogada de estratexia o 16, con saque de Nati culminado de lonxe por María Arias. O Burela FS non estaba conforme. Bea Mateos liderou o xogo de cinco na recta final, con máis de dous minutos para o descanso; o ataque laranxa estrelouse unha e outra vez contra as visitantes.
As de Julio Delgado e Lucas volveron á pista con porteira xogadora, alternando con Jozi baixo paus. Aos 50 segundos Lara errou na liña de meta, pero non perdoou no 25. A nova iniciativa das burelistas no luminoso volveu desaparecer en tan só dous minutos, co 2-2 (minuto 27) a porta baleira, de Clara. O pau, primeiro ante Dany, e María Arias, no rexeite fronte a Bea Mateos, evitaron no 34 o terceiro das mariñás, no seu continuo asedio de cinco sobre a rede ourensá. Con todo, nun dicir amén, as filas laranxas resolvérono; en menos dun minuto Cilene, de cinco, e Tai ampliaron por fin a fenda a 4-2. O Cidade anotou o definitivo 4-3 nas zapatillas de María Arias de novo, en contragolpe, que se plantou soa ante Jozi.
Ficha técnica
Pescados Rubén Burela FS: Ana Romero, Dany, Cilene, Sara Correia, Tai, cinco inicial; tamén xogaron Lara, Bea Mateos, Julia Forsiuk, Jenny, Cris, Jozi
Cidade das Burgas: Iria, Amelia, Clara, María Arias, Sonia Pacios, cinco inicial; tamén xogaron Nati, Nahir Oliveira, Figo, Canolich,
Goles: 1-0, minuto 12, Jenny; 1-1, minuto 16, María Arias; 2-1, minuto 25, Lara; 2-2, minuto 27, Clara; 3-2, minuto 35, Cilene; 4-2, minuto 36, Tai; 4-3, minuto 39, María Arias
Árbitros: González Alvedro // Carreira Romero (A Coruña). Por Burela FS, amarela a Bea Mateos, Lara. Por Burgas, amarela a Sonia Pacios e Clara
Incidencias: Partido correspondente á xornada 21 de Primeira RFEF disputado no pavillón Vista Alegre ante unhas 800 persoas. A xogadora Sonia Pacios tivo que ser trasladada ao Hospital da Costa por unha hemorraxia nasal sufrida nun golpe con Dany no minuto 24.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
