Lugo 22 de marzo de 2018. O Deputado de Medio Ambiente, Argelio Fernández Queipo, inaugurou este xoves a II Xornada sobre a xestión municipal de residuos na provincia de Lugo, organizada polo Goberno da Deputación e a Asociación do Eixo Atlántico do Noroeste Peninsular, enmarcada no convenio de colaboración que ambas entidades teñen asinado para a optimización da xestión de residuos nos concellos da Provincia.
Na xornada, que contou coa participación de Alcaldes, Concelleiros e técnicos dos 59 municipios lucenses que decidiron sumarse ao proxecto, expuxéronse os resultados do estudo elaborado pola Deputación e o Eixo Atlántico a custe cero para os Concellos. Fanno co obxectivo de ofrecerlles medidas individuais e comúns coas que reducir custos e facer unha xestión máis sostible. Os resultados deste estudo proveñen dos datos ofrecidos polos 59 municipios adheridos sobre a xestión do lixo no 2016. Analizouse, polo tanto, a prestación deste servizo a 191.676 habitantes lucenses, que representan o 57% da poboación da provincia.
Fernández Queipo apuntou que “dende o Goberno da Deputación estamos comprometidos nesta materia e, por iso, levamos a cabo da man do Eixo Atlántico, un novo estudo sobre a xestión de residuos na provincia. Cómpre subliñar a boa acollida que esta iniciativa acadou entre os municipios lucenses, pois sumáronse 9 novos Concellos con respecto á anterior análise. En base á información que achegaron, poderemos ofrecer aos municipios propostas coas que mellorar o funcionamento desta prestación e aforrar custos”.
O Deputado apuntou neste senso que “os resultados do último estudo amosan, entre outros aspectos, que hai moito camiño por andar nas cantidades recollidas de papel-cartón por habitante. Por iso, dende a Deputación de Lugo marcámonos o obxectivo prioritario de ofrecer aos responsables municipais alternativas máis eficientes mellorando a calidade do servizo de recollida de papel e cartón e o seu control e optimizando os recursos”.
O estudo sobre a situación do servizo de xestión de residuos do Goberno da Deputación busca aforrar os custes económicos dos Concellos da provincia que supoñen a recollida de lixo, cumprir coa legalidade e regulamento específico vixente e diminuír a contaminación ambiental actual. Os datos apuntan que se xeraron un total de 73.000 toneladas de residuos ao longo do ano 2016 nos 59 municipios participantes, das cales 7.300 toneladas correspóndense coa recollida selectiva, o que supón un 11% do total. O custe total estimado da xestión de residuos: recollida, tratamento, puntos limpos para os 59 municipios adheridos é de 15,5 millóns de euros. Por habitante, o custe medio é de 61 euros, mentres que o custe medio por tonelada nos municipios é de 185 euros.
Boas prácticas nos Concellos lucenses
Na xornada, ademais da presentación dos resultados do último estudo, a cargo do técnico do Eixo Atlántico, Manuel Rodríguez, tamén foi presentado o Proxecto Revitaliza da Deputación de Pontevedra. Por outra banda, expuxéronse exemplos de boas prácticas en materia de xestión de residuos nos Concellos de Cervo, Guitiriz e Ribadeo. Para finalizar, tratouse a recollida de envases lixeiros e papel-cartón, así como a mellora na xestión dos puntos limpos.
Convenio coa Asociación do Eixo Atlántico
Deputación e Eixo Atlántico elaboraron a segunda análise sobre o funcionamento deste servizo nas entidades locais lucenses. Durante a xornada deste xoves, os representantes dos municipios coñeceron as necesidades, carencias e potencialidades que teñen neste servizo. Ademais, durante a reunión entregouse un informe individualizado para cada concello cos resultados, resolución de dúbidas existentes e análise da información entregada incompleta.
Evolución positiva da recollida selectiva
Os resultados do estudo mostran unha evolución positiva da recollida selectiva dende o ano 2010. Así, polo que respecta aos envases lixeiros, no 2010 recolléronse 6,6 quilos por habitante, mentres que no 2016 foron 8,2 quilos; en canto a papel-cartón, no ano 2010 recolléronse 8,1 quilos por habitante, mentres que no 2016 foron 10 quilos; finalmente, con respecto ao vidro, no 2010 recolléronse 11,1 quilos por habitante e no 2016 pasaron a ser 16,8 quilos de media.
Concellos adheridos
Os 59 Concellos da provincia que participan e colaboran con esta xornada son: Abadín, Alfoz, Antas de Ulla, Baleira, Baralla, Barreiros, Becerreá, Begonte, Bóveda, Burela, Castroverde, Cervantes, Cervo, O Corgo, Cospeito, Chantada, Folgoso do Courel, A Fonsagrada, Friol, Foz, Guitiriz, O Incio, Láncara, Lourenzá, Meira, Monforte de Lemos, Monterroso, Muras, Navia de Suarna, Negueira de Muñiz, As Nogais, Ourol, Pantón, Palas de Rei, Paradela, O Páramo, A Pastoriza, Pedrafita do Cebreiro, A Pobra Brollón, Pol, A Pontenova, Portomarín, Quiroga, Rábade, Ribadeo, Ribas do Sil, Ribeira de Piquín, Riotorto, Samos, Saviñao, Sober, Taboada, Trabada, Triacastela, O Valadouro, O Vicedo, Viveiro, Xermade e Xove.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
