Burela, 22 de marzo de 2018. O Concello xunto á asociación de montes, vai plantar no Monte Castelo 300 árbores autóctonas, que se suman ás 200 do pasado ano. O alcalde, Alfredo Llano, subliña que o obxectivo é converter esa zona nun reclamo tanto para os veciños e veciñas de Burela como para os visitantes que queiran achegarse ata alí.
O rexedor declarou que “esta actuación está relacionada co que pensamos que debe ser Burela, procurando sempre que sexa un exemplo para o coidado do medio ambiente, imos poñer na área recreativa do Monte Castelo outras 300 árbores autóctonas frondosas”.
Alfredo Llano subliñou que “o facemos conxuntamente coa asociación de montes de Burela, coa que estamos colaborando. Xa se comezara o ano pasado con 200 árbores en diferentes sitios. Este ano vanse plantar 300 árbores en principio, e é posible que vaian máis pouco a pouco”.
O alcalde burelés explicou que “se vai preparar unha zona na área recreativa que vai completar a que xa hai agora, que penso que vai quedar moi ben, e vai ser un atractivo de futuro seguro a subida a Monte Castelo para observar a arboreda que se está plantando, e observar as vistas extraordinarias que se aprecian desde aquel marco. Hoxe por exemplo foi un día no que estivemos alí para ver onde se van plantar, e é unha marabilla poder coidar o Monte Castelo para que sexa un atractivo tanto para a xente que vivimos aquí como para a que proceda de fora”.
Para Alfredo Llano “é unha boa iniciativa que tivo a asociación de montes de Burela, e nosoutros imos apoiala dentro das nosas posibilidades para conseguir entre todos conformar un área recreativa extraordinaria, útil e bonita para poder disfrutala”.
No Monte Castelo serán plantadas 300 árbores autóctonas nunha actuación conxunta entre o Concello e asociación de montes. Alfredo Llano quere que esa zona sexa un atractivo para a veciñanza de Burela e para os visitantes
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
