Trabada, 22 de marzo de 2018.- O Grupo Provincial do Partido Popular amosa a súa sorpresa porque se decida retirarlle a Suplusa a condición de medio propio para xestionar as residencias cando agora mesmo conta con todos os permisos para facelo e sería a opción máis rápida. “Cumpriría ademais con todo o que se decidira por parte de todos os gobernos e presidentes anteriores”, explican.
En relación coa reunión de hoxe en Trabada, desde o Grupo Provincial do PP agradecen o traballo que leva feito a Sociedade Urbanística e todas as persoas que fixeron posible que hoxe o municipio teña unha residencia autorizada, que conta con todos os permisos para poder entrar en funcionamento, entre eles o Permiso de Inicio de Actividade (PIA) que outorga a Xunta.
A posición da alcaldesa de Trabada, inexplicable
Os populares consideran inexplicable a posición da alcaldesa de Trabada, que decide involucrarse no pagamento das prazas, cando herdara un convenio do ano 2011 co que tería unha residencia cunha xestión pública sen custe ningún para o Concello. “Sorpréndenos esta circunstancia e este novo modelo que asinaron que obriga á posta en marcha dun procedemento que pode tardar máis dun ano”, engaden.
Estas reaccións, precisan, poñen en evidencia as discrepancias internas entre os socialistas, toda vez que ninguén do PSOE, salvo o presidente de Suplusa, participou hoxe no Consello de Administración da entidade que se celebrou na localidade de Trabada.
Os populares pídenlle explicacións ao secretario xeral do PSOE ao evidenciarse que existe un problema claro nas súas filas, como demostra o feito de que hoxe só o presidente de Suplusa, Manuel Martínez, participara no consello de administración, ao que faltaron o presidente da Deputación, Darío Campos, e os deputados Lino Rodríguez e Pilar García Porto.
Non participou ninguén máis do PSOE na reunión, polo que asistimos a un momento realmente preocupante no que vemos que seguen trasladando os seus problemas internos ás institucións e os seus enfrontamentos, polo que, toda vez que isto responde a un problema político entre os socialistas, o secretario xeral “está tardando en dar unha explicación”, conclúen.
O PP sostén que a xestión das residencias por parte de Suplusa sería a opción máis rápida e a que conta con todos os permisos para a posta en funcionamento dos centros
Relacionado
-
O PP de Vilalba alerta de que “as constantes obras na rúa da Pravia perpetúan o prexuízo económico para o comercio e os veciños”
-
Mogo: “O PP rexeita a proposta socialista para alcanzar o 100% da cobertura en conexión dixital da provincia de Lugo”
-
Ameijide: “A nosa acción de fiscalización e control obrigou a PSOE e BNG a dar marcha atrás a numerosas decisións erróneas na Deputación”
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
