Lugo, 22 de marzo de 2018.- A Deputada do PSOE pola Provincia de Lugo, Margarita Pérez Herraiz, defendeu este xoves no Congreso a Proposición non de Lei que o Partido Socialista presentou á Cámara, instando ao Goberno Central a dotar á provincia lucense de infraestruturas do século XXI. O PSOE conseguiu, co voto en contra do PP, que o Congreso apoiase a súa iniciativa.
Os acordos que presentou o Partido Socialista e aos que se sumou a maioría do Congreso para reclamar a súa execución ao Partido Popular, como formación á fronte do Executivo Estatal, son os seguintes:
1.- Que no prazo de 6 meses, haxa unha planificación na que se especifiquen as actuacións, prazos de execución e o presuposto correspondente para terminar as autovías pendentes na provincia de Lugo (A-54 entre Lugo e Santiago; A-56 entre Lugo e Ourense; A-82 ou A-74 entre Barreiros e San Cibrao; A-76 entre Ponferrada e Ourense; A-72 Chantada-Monforte) e se dote á mesma da conexión de alta velocidade e da imprescindible estación intermodal para a chegada do AVE.
2.- Que se aprobe un Plan de Mellora Integral das estradas de titularidade estatal na provincia (N-634, N-642, N-VI, N-540, N-547, N-640, N-120 e A-6); a mellora e o incremento dos servizos de tren con orixe e destino Lugo; a mellora e modernización dos servizos ferroviarios no conxunto do territorio lugués; e a execución do Plan de Reforzo da liña de FEVE Ferrolterra-Ortegal-A Mariña-Asturias.
Dobre lenguaxe e xogo do PP: nin unha soa mención ao AVE e a Intermodal
Pérez Herraiz destacou, por unha banda, “o dobre lenguaxe e dobre xogo do Partido Popular, pois en Lugo falan da conexión de alta velocidade e da intermodal e en Madrid non mencionan estas imprescindibles infraestruturas para o desenvolvemento socioeconómico da nosa provincia”. A Deputada fixo referencia, deste xeito, á emenda de modificación presentada polo PP, que textualmente apunta: El Congreso de los Diputados insta al Gobierno a dotar los PGE2018 y sus correspondientes anualidades, la ejecución de las infraestruturas correspondientes a la Red de Carreteras del Estado en la provincia de Lugo para acortar a máximo los plazos de ejecución, así como las infraestructuras para mejorar la conexión con Lugo. “Nin unha soa mención ao AVE a á Intermodal”, remarco.
Falta de credibilidade: sen executar os fondos de anteriores orzamentos
Neste senso, e, en segundo lugar, a Deputada Socialista pola Provincia de Lugo subliñou a “absoluta falta de credibilidade do Partido Popular, pois manteñen sen executar as partidas económicas previstas e recollidas en anteriores Orzamentos do Estado para a execución das estradas pendentes na nosa provincia, retrasándoas ano tras ano. Un dos exemplos máis recentes é a A-54, que anunciaran para o 2015, cando a deixaron ata sen orzamento algún en 2013 e 2014, e agora pospoñen a súa finalización, no mellor dos casos, para o horizonte do 2022. Pero é máis, o Partido Popular, o propio Presidente do Goberno, Mariano Rajoy, presentou un Plan de Estradas de 5.000 millóns de financiamento público e privado sobre o que dixo que era o plan que impulsará as infraestruturas viarias nesta lexislatura, deixando fóra do as estradas da nosa provincia, pois un dos seus condicionantes é que as infraestruturas formen parte da Rede Transeuropea de Transporte e as de Lugo non o están”.
Feitos do PP
Durante o debate no Congreso, Pérez Herraiz destacou que “entre os anos 2004 e 2011, as infraestruturas da provincia de Lugo tiveron un importante impulso. Pero a partir de entón, non só se retrasaron, senón que algunhas desapareceron da programación, como a estación intermodal cuxo proxecto estaba contratado, que este Goberno Central dicía no 2012 que os traballos seguían o seu curso e que no 2013 comprobamos que o proxecto estaba anulado dende abril de 2012”.
“En xaneiro de 2010, adxudicáronse os proxectos para a alta velocidade entre Monforte de Lemos e A Pobra de San Xiao. Para o treito de San Xiao e Lugo estaba encargada xa a avaliación para adaptar este treito á alta velocidade. Non sabemos que pasou con este traballo. O que si sabemos é que este goberno do PP agora di que vai a avaliar as actuacións na línea que permitirán mellorar os tempos de viaxe cando o AVE chegue a Ourense. A Ourense, non a Lugo”.
“Con respecto ás autovías, a única que realmente está en obras, aínda que con estremada lentitude, é a de Santiago. Tiñan previsto finalizala no 2015 e esta semana xa dixeron que no horizonte do 2022. Tamén anunciaron obras, xa moi urxentes, para a rehabilitación do firme na A-6 ou na N-642, pero non explicaron que teñen sen executar o presuposto para este fin de 2016 e 2017. Cero euros foi a súa execución”.
“As outros autovías seguen aparecendo nos orzamentos pero de forma absolutamente simbólica. A A-56 que une Lugo a Ourense, o treito entre San Martiño e A Barrela, segundo os orzamentos, tiña data de inicio de 2007 e de finalización no 2018. Parece claro que non se cumprirá. Nos orzamentos para 2017, figuraban para este treito 10 millóns e a 30 de novembro unicamente aparecen executados a metade e de dous treitos non se sabe absolutamente nada”.
“A conexión entre Barreiros e San Cibrao é especialmente importante polo número de persoas que viven na comarca e pola actividade económica e social que se realiza no seu entorno: Alcoa, actividade pesqueira, madeiristas… Para o ano 2017, tiñan un orzamento de 1.783.560 euros e a execución realizada a 30 de novembro foi de cero euros”.
“E da A-75, a conexión entre Ponferrada e Ourense, tiñan un orzamento de 400.000 euros e tampouco foron executados”.
“Na campaña de 2009, o señor Feijóo, presidente da Xunta, dicía que a conexión de Lugo de alta velocidade era tan importante, urxente e necesaria, que si ganaba as eleccións, feito que sucedeu, realizaría a conexión a Xunta de Galicia. Pero a conexión desapareceu da planificación do PP e agora xa nin lla reivindica ao Goberno Central”.
“A principios de 2010, os cargos electos do PP en Lugo, Ourense e León reuníanse para reclamar dotacións orzamentarias para a conexión entre Ponferrada e Ourense, cualificando as previsións dos presupostos de escasísimas. Naquel momento, o PP dicía que a situación económica era crítica, pero que lles parecía compatible con reclamar esa infraestrutura. Agora, o PP di que a economía vai moi ben, pero xa non se acordan de aquilo e agora consigan orzamentos moi inferiores, que nin os executan”.
“Dicían tamén, que era inxustificable o ritmo ao que ía o AVE a Galicia e a Lugo. Pero despois de sete anos de Goberno e, como din, de recuperación económica, o AVE a Lugo xa non vai lento, desapareceu”.
Necesidade de infraestruturas
Pérez Herraiz explicou que “a provincia de Lugo perde poboación. Dende o ano 2010 ao 2017, perdeu 19.870 habitantes. No 2017, vivían en Lugo 333.634 persoas e 121.853 cobraban unha pensión, é dicir, o 36,52%. Lugo mantén un produto interior bruto per cápita inferior ao conxunto de España. No 2015, o último ano do que hai datos provinciais, este foi en España de 23.271 e en Lugo 20.829. Na nosa provincia, os ingresos por pensións tamén no ano 2015 equivalen ao 21.71% do PIB mentres que en España esta porcentaxe é considerablemente inferior, 14,78%. Isto supón que na provincia de Lugo teñamos pouca xeración de recursos, pouca actividade económica. Para manter poboación é imprescindible ter actividade económica, a posibilidade de xerar recursos para vivir. Un factor determinante para esta actividade económica son as infraestruturas. Pero a provincia de Lugo está quedando atrás nesta materia o que supón un dobre problema, máis dificultades para xerar actividade económica e peor posición competitiva con respecto ás restantes provincias. Lugo precisa de infraestructuras semellantes ás de outras provincias para poder acceder tamén en condicións semellantes ás posibilidades de desenvolvemento económico e competitivo”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
