Madrid, 23 de marzo 2018. O portavoz de En Marea no Congreso, Miguel Anxo Fernán Vello, presentou unha batería de preguntas dirixidas a Fomento perante o anuncio no BOE da licitación das probas cos prototipos antinéboa e que deixan en evidencia un novo retraso na adopción dunha solución aos constantes peches da A-8 no tramo situado entre Mondoñedo e A Xesta.
“A publicación da licitación no BOE deixa ás claras que este ano 2018 será outro ano perdido na toma de medidas para rematar con este problema e que poidamos contar cunha autovía nova operativa. No mellor dos casos, e se desta volta o Goberno cumpre de verdade, non se farían as probas até o ano vindeiro, 2019, co cal non estaría operativa a solución até o 2020 sendo moi optimistas. Mais, á luz dos feitos e dada a andaina que leva este tema, continuaremos en espera”, critica Fernán Vello.
O voceiro de En Marea lembra que desde que se iniciou a lexislatura comprometémonos a facer un seguimento deste problema cunha infraestrutura costosa e nova que debido ás densas néboas do Alto do Fiouco, a metade do tempo está pechada e o tráfico desviado pola antiga N-634. O problema presentouse nada máis inaugurala en 2014, ese mesmo verán produciuse un terríbel accidente en cadea. Optouse por un trazado que obviou e non tivo en conta que esta zona se caracteriza por densas néboas. Desde entón, Fomento demora ano tras ano a solución técnica para que na Mariña se conte cunha autovía operativa”.
“Non cre Fomento que esta lentitude empeza xa a ser desesperante?”
“Se a este deputado prodúcelle cansanzo ver como pasan os meses e os anos sen que se produzan avances, imaxinemos o fastío dos habitantes de A Mariña que soportan vellas estradas estatais en deplorábel estado. A N-634 clama por actuacións de mellora. Así que nin autovía nova de alta capacidade, nin estradas melloradas para paliar a situación”, denuncia Fernán Vello.
O portavoz de En Marea pide ao Ministerio de Fomento garantías e un compromiso claro de que non vai haber máis demoras. “Pode concretar con exactitude o calendario? Cando poderán ter os habitantes de A Mariña unha autovía plenamente operativa? É consciente o Ministerio que no periodo veraniego cando se multiplica o tráfico debido ao turismo é cando máis se precisan infraestruturas en estado óptimo? Non cre que o tema resulta xa desesperante?”
Fernán Vello critica o novo retraso na aprobación do prototipo antinéboa para a A-8 e pide a Fomento que se tome en serio os peches da autovía
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
