Burela 1-4-18. O pavillón da Raña de Marín desbordou emoción na gran final da XII Copa Galicia, nun intenso duelo entre o Pescados Rubén Burela FS e Poio Pescamar FSF, que souberon agarrar con forza as pontevedresas, a 24 centésimas da bucina final, co definitivo 4-5. As pupilas de Julio Delgado e Lucas deron alas ao soño laranxa recompoñéndose dun 0-3 en contra; a remontada mariñá comezou no minuto 27 ata o 4-4 a tan só 22 segundos para o final, pero na última xogada as campioas galegas validaron o título.
Superado o ecuador da primeira parte Ana Romero estivo moi atenta ante Ceci a balón parado, pero nada puido facer na seguinte xogada con saque de esquina da ex–burelista que culminou Iria Saeta. Así se adiantaba o Poio no minuto 11. Jenni, coa cara, mantivo a rede pontevedresa a cero, fronte a Tai, nun rexeite. A falta de catro minutos e medio para o descanso, Bea Mateos liderou o xogo de cinco. Lara protagonizou a primeira con perigo segundos despois, ante o despexe da gardameta de Poio; a 10 burelista volveu intentalo, con Dany a punto de culminar. O disparo afastado de Cami foise por pouco a falta de tan só 6 segundos para o descanso.
Na volta ao parqué Lara e Cilene dispuxeron de excelentes ocasións para igualar, en senllas asistencias de Dany. Non puido ser e tocoulle a quenda a Poio; no minuto 22, Lara salvou a rede laranxa tras saída errada de Jozi e no 23 Ceci recibindo case dende o chan soubo como bater a portería mariñá soa frente á brasileira. Jozi e Dany aliáronse tan só dous minutos despois para frear primeiro a Ceci e despois a Daniella. Nova aposta polo xogo de cinco para as de Julio Delgado e Lucas e recompensa case inmediata, con diana culminada por Cilene (minuto 27). Cobraban folgos as laranxas, pero cando parecía que estaba a punto de chegar o segundo burelista, aproveitou o Poio. Ceci anotou o 1-4, no minuto 31, con Cami baixo a liña de meta, tras o rexeite de Iria Saeta. Non baixou os brazos o Pescados Rubén e axiña atopou o merecido premio, con Jenny (minuto 33) e Dany (minuto 36), reducindo ata o 3-4. Con 4’50” por diante, as burelistas non cesaron no seu empeño. A Bancada Laranxa estalou co empate de Dany, a pase de Jenny, restando 22 segundos, pero a fortuna non estivo do lado burelista. Na última xogada, a tan só 24 centésimas, o Poio conseguiu agarrar o título tras saque de esquina finalizado por Jenni.
I Minicopa Infantil tamén para as ‘Rojillas’
A base do Poio Pescamar (2-0) alzouse co título da I Minicopa fronte á Fervenza-Burela FS, nunha cita disputada como antesala da gran final. As representantes laranxas ofreceron unha grande imaxe facendo fronte a unha das escolas de máis renome no fútbol sala feminino galego. O título decantouse para as pontevedresas no último cuarto do encontro, con doble diana de Mónica (minutos 32 e 35).
Ficha técnica
Pescados Rubén Burela FS: Ana Romero, Dany, Cilene, Lara, Bea Mateos, cinco inicial; tamén xogaron Tai, Cami, Jenny, Jozi, Judith
Poio Pescamar FSF: Silvia Aguete, Ale de Paz, Jenni, Iria Saeta, Ceci, cinco inicial; tamén xogaron Delise, Daniella
Goles: 0-1, minuto 11, Iria Saeta; 0-2, minuto 23, Ceci; 0-3, minuto 26, Daniella; 1-3, minuto 27, Cilene; 1-4, minuto 31, Ceci; 2-4, minuto 33, Jenny; 3-4, minuto 36, Dany; 4-4, minuto 40, Dany; 4-5, minuto 40, Jenni.
Árbitros: Manteiga Rodríguez // Fernández Becerra (Galicia). Por Burela amarela para Jenny (minuto 11), Judith (minuto 34).
Incidencias: Partido correspondente á final de XII Copa Galicia Feminina de Fútbol Sala disputado no pavillón da Raña de Marín.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
