Balance positivo do turismo no Concello de Alfoz esta Semana Santa

Alfoz 2-4-18. Coa intención de ofrecer unha mellor atención a todos os visitantes ao Castelo de Castro de Ouro e de dinamizar e promover todos os recursos turísticos cos que conta o Concello de Alfoz, a oficina de Turismo sita no propio Castelo permaneceu aberta nun horario especial durante a Semana Santa 2018.
Nos últimos días, a oficina de turismo de Alfoz recibiu preto de 500 visitantes, que puideron facer a visita o propio Castelo así como ver a exposición das Antigas Escolas Unitarias de Alfoz, a mostra Percorridos pola colección numismática do Museo Provincial de Lugo I e o Museo da Zoca.
En canto as procedencias, foron os turistas galegos os que máis visitaron o Castelo representando un 34% do total de visitantes. Pero o Concello de Alfoz recibiu visitas doutras comunidades autónomas, destacando Madrid, Castela León, Asturias e País Vasco. Por último mencionar as visitas internacionais procedentes de EEUU, Reino Unido e Alemaña.
Os datos recollidos confirman a liña de crecemento que está a seguir o tur ismo no concello nos últimos tempos. Ase mesmo, os aloxamentos turísticos confirman esta tendencia de aumento do turismo, achegándose a un 90% de ocupación durante esta Semana Santa 2018.