Lugo, 9 de abril de 2018. O Presidente da Deputación, Darío Campos Conde, o Alcalde de Riotorto, Clemente Iglesias González, e o Presidente da Asociación de Ferreiros, José Manuel Cobo, xunto a outras autoridades, presentaron este luns a XII Feira da Artesanía do Ferro de Riotorto, que se celebrará o vindeiro domingo, 15 de abril. A presentación tivo lugar na Forxa de Manolo de Viñabella e, durante o acto, tivo lugar unha demostración en vivo de artesanía do ferro.
Campos Conde subliñou “o compromiso do Executivo Provincial con esta cita, coa que mantemos unha estreita colaboración nos últimos anos, posto que se ten convertido nunha referencia na nosa provincia. Deste xeito, achegamos 11.000 euros para a celebración desta décimo segunda edición da feira, que logra atraer a milleiros de persoas ao municipio, dinamizando a economía local e do conxunto da Mariña Lucense, ao mesmo tempo que poñemos en valor un oficio tradicional con demostracións en vivo, que supoñen un gran atractivo para os visitantes”.
O Presidente engadiu que “recentemente asinamos un novo convenio de colaboración coa Asociación de Ferreiros de Riotorto para a promoción do traballo destes profesionais, un traballo que forma parte da nosa historia e que, sen dúbida, se trata dunha sinal de identidade cultural e dun atractivo turístico da nosa provincia, especialmente, na Mariña Oriental”.
O convenio, por valor de 10.500 euros, permitirá a instalación nos obradoiros do ferro de Riotorto de paneis informativos e explicativos da historia deste oficio tradicional e da elaboración de produtos, para unha maior visibilidade. Ademais, os artesáns contarán cun deseño especial de embalaxe das súas pezas, cos que promover a súa marca. Deste xeito, serán pezas de artesanía feitas de madeira, nas que se comercializarán as súas pezas de ferro.
Máis colaboracións
Á achega do Executivo para a celebración da Feira do Ferro e o convenio asinado coa Asociación de Ferreiros de Riotorto engádese a colaboración que o Goberno da Deputación mantén a través da Fundación TIC coa realización dun documental a custe cero no que participan os profesionais desta asociación. Trátase dun traballo audiovisual que recolle as testemuñas dos ferreiros de Riotorto sobre a historia do seu oficio, experiencias, traxectoria, técnicas de traballo, elaboración das pezas… entre outros aspectos, co que se busca darlles unha maior promoción e a posta en valor do seu traballo. Ademais, a TIC da Deputación elaborou un vídeo promocional da feira que foi emitido na canle autonómica e nas redes sociais.
25 ferreiros participantes
A XII Feira da Artesanía do Ferro de Riotorto dará comezo ás 11:00 horas no recinto feiral cuberto baixo carpa, situado a carón da piscina e dos colexios, onde tamén se poderá degustar polbo e outra comida tradicional. O pregoeiro da feira este ano será Xosé de Cora, director Xeral do Grupo El Progreso. Participarán uns 25 ferreiros chegados de Riotorto, Navarra, Santiago de Compostela, O Corgo, Os Oscos, Fonsagrada e Becerreá. Por outra banda, haberá animación musical durante toda a a xornada coa actuación do Coro de Riotorto, a charanga Mekánika e os Gaiteiros de Riotorto e outras actividades destinadas aos máis pequenos como talleres infantís e espectáculos de animación.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
