Lugo, 24 de abril de 2018. O Pleno da Deputación de Lugo aprobou este martes, co voto en contra do Partido Popular, a moción presentada polo Goberno Provincial para instar á Xunta de Galicia a que execute un plan de contratación de profesionais de atención primaria, de mellora de centros de saúde e atención pediátrica. Na mesma sesión, o Goberno Provincial destacou que mentres a Xunta de Galicia escatima fondos para a sanidade na provincia de Lugo, “o Goberno da Deputación inviste 9,6 millóns de euros, dende o ano 2015 ata a actualidade, para a atención profesional de máis de 10.000 veciños da nosa provincia” destacou a Deputada de Benestar e Igualdade, Sonsoles López Izquierdo.
O acordo tomado pola Corporación provincial a proposta do Grupo de Goberno inclúe as seguintes medidas:
1°.- Realizar un plan de contratación de profesionais de atención primaria que permita ampliar o volume de persoal na nosa provincia e así evitar o peche de centros e a concentración de servizos, así como cubrir con garantías as baixas e vacacións sen que iso supoña unha saturación do sistema e unha perda de calidade asistencial.
Neste senso, López Izquierdo destacou que “dende a chegada do Partido Popular ao Goberno da Xunta de Galicia no ano 2009, a cifra de contratación de médicos é tan baixa e insuficiente que non chega a cubrir as necesidades do sistema na nosa provincia. Polo tanto, unha maior contratación de profesionais suporía non ter que concentrar servizos, achegando a atención necesaria e profesional á cidadanía. E non o digo eu, o din os colexios médicos, as asociacións de profesionais do sector, os pacientes e toda a poboación, que seguimos loitando contra a lei de saúde imposta polo señor Feijóo”.
2°.- Establecer un programa de reforma e construcións dos centros de saúde na provincia de Lugo, que permita ampliar e mellorar a rede de centros actual, tendo en conta o tamaño e tipo de poboación a atender, así como criterios estratéxicos de fixación de poboación.
“Xa fai 9 anos que o Goberno Socialista de Touriño presentaba un Plan de Mellora de atención primaria, que proxectaba 70 novos centros de saúde por toda a Comunidade Autónoma e que, por suposto, foi desbotada polo PP. Agora, como lles gusta facer a vostedes, fan moitos anuncios, pero nos orzamentos todas esas promesas non están reflectidas”.
3°.- Desenvolver unha estratexia de mellora da atención pediátrica en primaria, de maneira específica, que contemple a ampliación da oferta formativa e unha política de discriminación positiva en materia de recursos humanos.
“O 33% dos Concellos da provincia sofren na actualidade falta de persoal en atención pediátrica. Atopamos exemplos de municipios con grandes hospitais, como o da Costa en Burela, que continúan sen pediatra e debe desenvolver este servizo o profesional de medicina xeral, ou o de Navia de Suarna, que leva dous anos esperando a que se cubra a praza. Dende o Goberno Socialista sabemos que o problema da precariedade laboral da atención primaria ten solución, pero esixe vontade e diñeiro, o que non quere o Partido Popular” subliñou López Izquierdo.
O 40% dos médicos de Primaria estarán xubilados
“Dende o Partido Socialista vimos previndo, dende os últimos anos, ao Partido Popular, da situación de falta de persoal cualificado coa que contamos hoxe en día. Na actualidade, o 40% dos médicos de atención primaria da provincia cumpren ou cumprirán 65 anos entre este ano e o 2022, e por suposto, poderán xubilarse, o que conleva un serio problema para o futuro e estabilidade deste servizo básico, pois como todos sabemos atópanse entre os especialistas máis difíciles de substituír. Por exemplo, no Sagrado Corazón da cidade de Lugo, en ano e medio a totalidade do persoal sanitario podería xubilarse”.
Aprobada a moción do Goberno para incrementar os fondos en Cultura
O Pleno da Deputación tamén aprobou, co non do PP, unha moción, na que se demanda á Xunta que se recuperen os investimentos de 2008 e 2009 para bibliotecas, fomento da lectura, edición de libros en galego, normalización lingüística e mesmo en cooperación ao desenvolvemento.
A Deputada de Cultura, Pilar García Porto remarcou “os constantes recortes en promoción cultural do PP, tanto na Xunta como no Goberno Central, como así o denunciou o Consello da Cultura Galega, xa que nun informe recente alertaba de que a situación de moitas bibliotecas é mellorable, principalmente pola carencia de persoal”. E advertiu “que a Xunta de Galicia debería afrontar esta situación, e impulsar unha política de cooperación interinstitucional, e non reducir a súa actuación á mera tramitación de subvencións, tal e como sinala o propio Consello da Cultura Galega”.
García Porto tamén aludiu as criticas do sector cultural “xa que denuncian que a forte diminución nos orzamentos en materia de cultura aplicados desde o ano 2009 ata hoxe aconsellan unha revisión das políticas públicas que contemplen incrementos para contribuír á recuperación do sector. Ademais, o Consello Cultura Galega tamén chama a atención sobre a pouca presenza da cultura galega no espazo dixital e recoméndalle á Xunta reforzar políticas públicas destinadas a potenciar o tecido de medios de comunicación e plataformas de cultura en lingua galega”, advertiu a Deputada.
Continuos recortes da Xunta
Coas cifras na man García Porto denunciou recortes nos capítulos orzamentarios de 2018 en materia de cultura do Goberno de Feijoo, concretamente, no tocante aos fondos para normalización lingüística hai 7,62 millóns de euros, cando no 2009 esta cifra era de 21,5 millóns de euros. Algo semellante sucede coas bibliotecas, arquivos e fomento da lectura, as cifras sitúanse por debaixo da metade do nivel acadado en 2009.
Compre salientar a situación do capítulo para adquisición de fondos bibliográficos, que no ano 2009 contaba con 2,4 millóns de euros, e nesta anualidade é de 425.000 euros, o mesmo que o ano anterior. Sobre á promoción do libro e da lectura e as axudas á edición de libro en galego redúcese no 2018 a asignación total para feiras culturais–feiras do libro en Galicia e feiras internacionais do libro, tal como denuncian as propias editoriais.
García Porto tamén aludiu “aos recortes ata nun 51% para á promoción da lectura, o que converte a Galicia na quinta comunidade autónoma con menor hábito de lectura de España. O 57% da poboación di ler algún libro durante o ano pasado, unha porcentaxe que está por baixo da media estatal, segundo o último informe publicado polo Ministerio de Educación e Cultura”. Sinalou ademais “que a área de normalización lingüística da Xunta é a que máis orzamento perdeu dende a chegada de Feijoo, cunha cifra total pouco máis da terceira parte da que había en 2009”.
Máis dun millón de euros da Deputación
Pola contra destacou a promoción cultural que se esta facendo dende a Deputación de Lugo “a través do Plan Único, que na pasada anualidade promoveu 699 actividades, para 515 colectivos cun total de 1.110.101 euros. Só con estas actividades xa superamos o 1% que se lle pide á Xunta por parte do Consello da Cultura Galega”, resumiu.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
